KL Rahul: సాధారణంగా సినిమా సెలబ్రిటీలకు, క్రికెటర్లకు ఎంతో మంచి అనుబంధం ఉంది. ఈ క్రమంలోనే ఎంతో మంది సినీ సెలబ్రిటీలు క్రికెటర్లతో ప్రేమలో పడుతూ పెళ్లిళ్లు చేసుకున్నారు. అలాగే మరికొందరు లవ్ బ్రేకప్ చెప్పుకున్నారు. ప్రస్తుతం చాలామంది సినీ సెలబ్రిటీలు క్రికెటర్లను పెళ్లి చేసుకొని వైవాహిక జీవితంలో సంతోషంగా ఉన్నారు.

ఈ క్రమంలోనే మరికొన్ని రోజులలో మరొక క్రికెటర్ కూడా స్టార్ హీరో కూతురిని పెళ్లి చేసుకుని ఓ ఇంటివాడు కాబోతున్నారు. ఇంతకీ ఆ వ్యక్తి ఎవరు అనే విషయానికి వస్తే ఐపీఎల్ లో సెంచరీల పై సెంచరీలు కొడుతూ క్రికెట్ అభిమానులను సందడి చేస్తున్న కె.ఎల్.రాహుల్ గత కొంతకాలం నుంచి బాలీవుడ్ స్టార్ హీరో సునీల్ శెట్టి కుమార్తె అతియా శెట్టీని ప్రేమిస్తున్నారు.

గత కొంతకాలం నుంచి ప్రేమలో ఉన్న ఈ జంట ఎట్టకేలకు ఈ ఏడాది పెళ్లి పీటలు ఎక్కబోతున్నారు. వీరి ప్రేమ విషయం ఇరు కుటుంబాలలో తెలియడంతో వీరి ప్రేమ పెళ్లికి ఇద్దరు కుటుంబ సభ్యులు ఒప్పుకోవడంతో ఈ ఏడాది టి20 వరల్డ్ కప్ తర్వాత వీరిద్దరూ పెళ్లి చేసుకోబోతున్నట్లు తెలుస్తోంది.

హీరో సినిమాతో ఎంట్రీ ఇచ్చిన అతియా…

ఇక అతీయా విషయానికి వస్తే ఈమె సునీల్ శెట్టి కుమార్తెగా హీరో సినిమా ద్వారా ఇండస్ట్రీలోకి ఎంట్రీ ఇచ్చారు.అనంతరం ముబారకన్, నవాబ్జాదె, మోతీచూర్ ఛక్నాచూర్ మూవీల్లో మెరిసింది. ఇలా స్టార్ హీరో కూతురుగా హీరోయిన్ గా మంచి గుర్తింపు సంపాదించుకున్న ఈమె గత కొన్ని సంవత్సరాల నుంచి కేఎల్ రాహుల్ ప్రేమలో ఉన్నారు. ఇక వీరి ప్రేమ గురించి పెద్దలకు తెలియడంతో పెద్దల అంగీకారంతో ఈ ఏడాది పెళ్లి పీటలు ఎక్కబోతున్నారు.