Maanas Home Tour: బిగ్ బాస్ 5 వ సీజన్ ముగిసింది. బిగ్ బాస్ ప్రారంభానికి ముందు కంటెస్టెంట్లు ఎవరికీ పెద్దగా తెలియదని ఆడియన్స్ అనుకున్నప్పటికీ… వారి ఆటతీరుతో చాలా మంది అభిమానులను సంపాదించుకున్నారు. అందరు కంటెస్టెంట్లు కూడా తమ గేమ్స్ తో అలరించారు.
బిగ్ బాస్ ఫైనల్ విన్నర్ గా వీజే సన్నీ నిలిచినప్పటికీ.. సిరి, షణ్ముఖ్ , మానస్, శ్రీరాంచంద్ర వంటి వారు చాలా ఫేమ్ అయ్యారు. ముఖ్యంగా మానస్ చాలా మెచ్యూర్డ్ గేమ్ ఆడారు. సైలెంట్ గా తన గేమ్ ను ఆడాడు. ఎవరితోనూ ఎక్కువగా గొడవలు పెట్టుకోకుండా ఉండటంతో బిగ్ బాస్ లో క్లీన్ ఇమేజ్ సొంతం చేసుకున్నాడు.
దీంతో చాలా మంది ఫ్యామిలీ ఆడియన్స్ కు దగ్గరయ్యాడు. ముఖ్యంగా సన్నీ, మానస్ ఫ్రెండ్షిప్ బిగ్ బాస్ కే హైలెట్ గా నిలిచింది. బాలనటుడిగా వెండితెరకు పరిచయమైన మానస్.. తరువాత స్మాల్ స్క్రీన్ ప్రేక్షకులను కూడా అలరించాడు. చిన్నప్పుడు హీరో సినిమాలో బాల నటుడిగా చేసిన మానస్.. అప్పటి సీఎం రాజశేఖర్ రెడ్డి చేతుల మీదుగా నంది అవార్డ్ ను కూడా అందుకున్నాడు.
మానస్ డబ్బులతో ఇల్లు కొన్నాం: మానస్ తల్లి
తాజాగా మానస్ హోం టూర్ లో మానస్ కు సంబంధించిన ఆసక్తికర విషయాలను వెల్లడించింది అతని తల్లి పద్మజ. మానన్ డబ్బుతోనే ఈ ఇంటిని కొన్నామని చెప్పుకొచ్చింది. ఎంతో అందంగా, విలాసవంతంగా ఉన్న ఇంటిని మానస్ తల్లి చూపించింది. మానస్ కు వచ్చిన అవార్డ్ ల గురించి ప్రత్యేకంగా ప్రస్తావించింది.
