వివాహం జరిగి కొన్ని సంవత్సరాలు అవుతున్నా ఆమెకు పిల్లలు లేరు. అంతే కాకుండా ఆమె ఇటీవల క్యాన్సర్ రావడంతో చనిపోయింది. దీంతో ఆమె భర్త ఒక్కడే ఆ ఇంట్లో ఉంటున్నాడు. ఇంటిని సర్దుతుండగా అతడికి అనుకోని దృశ్యం కంటపడింది. ఒక ప్రదేశంలో ఓ మృతదేహం కనిపించింది. వెంటనే భయపడిపోయిన ఆ వ్యక్తి పోలీసులకు సమాచారం అందించారు.

ఘటనా స్థలానికి చేరుకున్న పోలీసులు ఆ ప్రదేశం మొత్తం గాలిస్తుండగా అక్కడ మరో రెండు మృతదేహాలు దొరికాయి. పూర్తి వివరాల్లోకి వెళ్తే.. ఫ్రాన్స్‌లోని మెజెరే లో 41 సంవత్సరాల వ్యక్తి నివసిస్తున్నాడు. అతడి భార్య ఈ మధ్య క్యాన్సర్ తో బాధపడుతూ చనిపోయింది. దీంతో ఇంటిని శుభ్రం చేసే క్రమంలో అతడికి ఓ మృతదేహం కంటపడింది. ఇంట్లో బాలుడి మృతదేహం గుర్తించిన అతడు ఆశ్చర్యపోయాడు.

వెంటనే పోలీసులకు ఫోన్‌ చేసి అసలు విషయం చెప్పారు. దీంతో పోలీసులు హుటాహుడిన ఘటనా స్థలానికి చేరుకున్నారు. ఆ బాలుడి శవాన్ని పరిశీలించి.. చుట్టు పక్కల ప్రదేశంలో కూడా ఏమైనా క్లూ దొరుకుతుందేమోనని వెతకడం మొదలు పెట్టారు. దీంతో పోలీసులు కూడా ఒక్కసారిగా షాక్ అయ్యారు. ఎందుకంటే అక్కడ ఉన్న మరో బ్యాగులో రెండు శవాలు కనిపించాయి.

ఆ మూడు మృతదేహాలు పిల్లలవే కావడం విశేషం. దీంతో పోలీసులు దర్యాప్తును ముమ్మరం చేశారు. అయితే అతడి భార్యకు ఇంతక ముందే పెళ్లి అవడం.. వారికి ఇద్దరు పిల్లలు కూడా ఉండటం.. ఇప్పుడు ఆమె రెండో వివాహం చేసుకున్నట్లు పోలీసులు గుర్తించారు. ఈ కోణంలో కూడా పోలీసులు దర్యాప్తును మొదలు పెట్టారు. ఏదేమైనా స్థానికంగా ఇది సంచలనం స్పష్టించింది. ఒకే ఇంట్లో మూడు శవాలు ఉండటం అనేది స్థానికంగా తీవ్ర కలకలం రేపింది.