Manchu Manoj: మంచు మనోజ్ గత కొంతకాలంగా తన రెండో పెళ్లి గురించి పెద్ద ఎత్తున వార్తల్లో నిలుస్తున్నారు. ఈయన మొదట ప్రణతి రెడ్డి అనే అమ్మాయిని వివాహం చేసుకొని తనతో మనస్పర్ధలు రావడం పెళ్లయిన రెండు సంవత్సరాలకి తనకు విడాకులు ఇచ్చారు. అప్పటినుంచి ఒంటరిగా ఉన్నటువంటి మనోజ్ రెండో పెళ్లి గురించి పెద్ద ఎత్తున వార్తలు వచ్చాయి.

ఈయన రెండో పెళ్లికి సిద్ధమయ్యారనే వార్తలు వచ్చినప్పటికీ ఈ వార్తలపై మనోజ్ ఏ మాత్రం స్పందించలేదు అయితే గత కొంతకాలంగా ఈయన దివంగత నేత భూమా నాగిరెడ్డి రెండవ కుమార్తె భూమా మౌనిక రెడ్డితో రిలేషన్ లో ఉన్నారని వార్తలు వచ్చాయి. అయితే వీరిద్దరూ జంటగా కూడా కనిపించడంతో త్వరలోనే మనోజ్ పెళ్లి చేసుకోబోతారని అందరూ భావించారు.

ఈ విధంగా మనోజ్ రెండో పెళ్లికి సిద్ధమయ్యారని తెలియడంతో తరచూ ఈయన పెళ్లి గురించి ఏదో ఒక వార్త వైరల్ అవుతుంది. ఈ క్రమంలోనే మంచు మనోజ్ భూమ మౌనికతో కలిసి ఏడడుగులు వేయడానికి ఇరు కుటుంబ సభ్యులు ముహూర్తం ఖరారు చేశారని తెలుస్తోంది. మార్చి మూడవ తేదీన వీరి పెళ్లి తేదీని నిశ్చయించినట్లు తెలుస్తోంది.

Manchu Manoj: మొదలైన పెళ్లి వేడుకలు…

ఇక పెళ్లి తేది ఖరారు కావడంతో ఇప్పటికే ఇరువురి కుటుంబంలోనూ పెళ్లి వేడుకలు మొదలయ్యాయని సమాచారం. భూమా మౌనికకు కూడా ఇది రెండవ వివాహం కావడం గమనార్హం. మరొక ఆశ్చర్యకరమైన విషయం ఏమిటంటే భూమా మౌనిక మొదటి వివాహానికి మంచు మనోజ్ అతిథిగా హాజరు కావడం విశేషం. ఇప్పటికే భూమ మౌనికకు ఓ కుమారుడు కూడా ఉన్నట్టు తెలుస్తుంది.