Manchu Manoj: తెలుగు చిత్ర పరిశ్రమలో నటుడిగా మంచి గుర్తింపు పొందిన మనోజ్ ఈ మధ్యకాలంలో ఎలాంటి సినిమాలలో నటించలేదు. ఈ క్రమంలోనే మనోజ్ మొదటిసారిగా ప్రణతి అనే అమ్మాయిని వివాహం చేసుకొని పలు మనస్పర్ధల కారణంగా పెళ్లైన రెండు సంవత్సరాలకి విడాకులు తీసుకొని విడిపోయారు. ఈ విధంగా మనోజ్ ప్రణతి విడిపోవడంతో ప్రణతి అమెరికాలో స్థిరపడ్డారు.
ఇక మనోజ్ ఒంటరిగా గడుపుతున్నప్పటికీ ఎలాంటి సినిమాలలో నటించకపోవడంతో ఇక మనోజ్ సినిమాలకు దూరమయ్యారంటూ వార్తలు వచ్చాయ. అయితే మనోజ్ మాత్రం ప్రముఖ రాజకీయ నాయకుడు దివంగత నేత భూమా నాగిరెడ్డి రెండో కుమార్తె భూమా మౌనికతో రిలేషన్ లో ఉన్నారంటూ వార్తలు వచ్చాయి.
తాజాగా ఈయనకు సంబంధించిన ఓ వార్త సోషల్ మీడియాలో వైరల్ గా మారింది.అయితే ఈ వార్తలకు బలం చేకూరేలా వీరిద్దరూ పలు ఆలయాలను సందర్శించడమే కాకుండా ఈ విషయంపై మనోజ్ స్పందిస్తూ జీవితానికి సంబంధించిన ముఖ్య విషయాన్ని మంచి రోజు చెబుతాను అంటూ కామెంట్ చేయడంతో వీరిద్దరూ త్వరలోనే పెళ్లి చేసుకోబోతున్నారని కూడా అర్థమైంది.
Manchu Manoj: ఫిబ్రవరిలో మనోజ్.. మౌనిక వివాహం…
ఇక తాజాగా శోభ నాగిరెడ్డి జయంతి వేడుకలలో కూడా పాల్గొని సందడి చేశారు. ఇకపోతే కడప దర్గాను దర్శించుకున్నటువంటి మనోజ్ త్వరలోనే కొత్త జీవితాన్ని ప్రారంభించబోతున్నానని తెలిపారు. అయితే సన్నిహితుల సమాచారం ప్రకారం మనోజ్ మౌనిక రెండవ వివాహం ఫిబ్రవరి 2వ వారంలో జరగనుందని తెలుస్తోంది. అయితే త్వరలోనే ఈ విషయం గురించి అధికారికంగా కూడా ప్రకటించనున్నట్లు సమాచారం.