MS Dhoni : క్రికెట్ లవర్స్ కి మహేంద్ర సింగ్ ధోని అనగానే గుర్తొచ్చేది హెలికాప్టర్ షాట్. అయితే క్రికెట్ ని దాటి ధోని క్రేజ్ ఉంటుంది. ఆయన మీద సినిమా తీసిన అది సూపర్ హిట్. ఇక ఐపిఎల్ పుణ్యమా అని ధోని ని దక్షిణది అభిమానులు మరింత దగ్గర చేసుకున్నారు. ధోని చెన్నై సూపర్ కింగ్స్ తరుపున ఐపిఎల్ బరిలో దిగి మంచి ఫాలోయింగ్ సంపాదించారు. తమిళ అభిమానులు తలా అంటూ ముద్దుగా పిలుచుకుంటుంటారు. అందుకే ధోని కూడా ఇపుడు క్రికెట్ మాత్రమే కాకుండా సినిమా ఇండస్ట్రీ వైపు కూడా చూస్తున్నాడు.
విలన్ గా ఎంట్రీ ఇవ్వనున్న ధోని….
ఇటీవలే సినిమా నిర్మాణ రంగంలో అడుగుబెట్టి ‘ఎల్జిఎం’ అనే సినిమా నిర్మించిన ధోని ఇపుడు సినిమాలో నటించడానికి సిద్ధమయ్యాడనే వార్తలు వినిపిస్తున్నాయి. తలపతి విజయ్ హీరోగా వెంకట్ ప్రభు దర్శకత్వంలో రాబోతున్న సినిమాలో విలన్ గా ధోని నటించబోతున్నాడానే వార్తలు వినిపిస్తున్నాయి.
విజయ్ సరసన హీరోయిన్ గా జ్యోతిక నటిస్తుండగా సినిమాలో పవర్ ఫుల్ విలన్ గా ధోనిని చూపించాలని వెంకట్ ప్రభు అనుకుంటున్నారట. నిజానికి డైరెక్టర్ వెంకట్ ప్రభు ధోనికి పెద్ద ఫ్యాన్ అవడం వల్ల ధోనిని ఒప్పించి సినిమాలో యాక్ట్ చేయించాలని అనుకుంటున్నట్లు వార్తలు వినిపిస్తున్నాయి. క్రికెట్ లో సూపర్ స్టార్ అయినా ధోని సినిమాల్లో ఎలా చేస్తాడో చూడాలి.