Mucherla Aruna: ముచ్చర్ల అరుణ ఈ పేరు గురించి ప్రత్యేకంగా పరిచయం అవసరం లేదు.ఒకానొక సమయంలో దక్షిణాది సినీ ఇండస్ట్రీలో అగ్రతారగా కొనసాగిన ముచ్చెర్ల అరుణ ప్రస్తుతం ఇండస్ట్రీకి దూరంగా ఉంటున్నారు. ఇలా చాలా కాలం తర్వాత ఈమె పలు యూట్యూబ్ ఛానల్ ఇంటర్వ్యూలలో పాల్గొంటూ తన గురించి తన జీవితం గురించి పలు ఆసక్తికరమైన విషయాలను తెలియజేస్తున్నారు.

ఇక ఈమె ప్రేమించి పెళ్లి చేసుకున్న సంగతి మనకు తెలిసిందే. ఇండస్ట్రీలో సంబంధం లేనటువంటి మోహన్ అనే వ్యక్తిని ప్రేమించి పెళ్లి చేసుకున్నారు.అయితే ఇప్పటివరకు ఎప్పుడు ఎక్కడ తన భర్తని పరిచయం చేయని అరుణ తాజాగా ఒక ఇంటర్వ్యూలో తన భర్తతో కలిసి పాల్గొన్నారు. ఈ క్రమంలోని వీరి ప్రేమ వివాహం గురించి వీరి బిజినెస్ ల గురించి బయటపెట్టారు.

1986వ సంవత్సరంలో అరుణ్ తన ప్రేమ విషయాన్ని బయటపెట్టినట్లు మోహన్ వెల్లడించారు. 86 నవంబర్ నెలలో తన ప్రేమ విషయాన్ని నాకు చెప్పడంతో 27 జనవరిలో మా పెళ్లి జరిగిందని ఈ సందర్భంగా ఆయన తెలిపారు.ఇకపోతే మోహన్ వ్యక్తిగతంగా జిమ్ ఎక్విప్మెంట్ బిజినెస్ చేస్తారని, ఆల్ ఇండియా వైడ్ తను జిమ్ ఎక్విప్మెంట్ సరఫరా చేయడమే కాకుండా, జిమ్ సెంటర్ లు కూడా ఉన్నాయని తెలిపారు.

ఇష్టమైన హీరో చిరంజీవి..

యుఎస్ లో గత 30 సంవత్సరాల నుంచి లైఫ్ ఫిట్ నెస్ అనే కంపెనీ ఉందని ఆ కంపెనీ నుంచి అన్ని ప్రొడక్ట్స్ తయారయ్యి ఆల్ ఇండియా లెవెల్లో సరఫరా చేస్తున్నామని తెలిపారు. ఇలా సంవత్సరానికి కొన్ని కోట్ల టర్నోవర్ అవుతుందని వెల్లడించారు.ఇకపోతే ఇప్పటి వరకు నటించిన సినిమాలేవీ తన భర్త మోహన్, తన పిల్లలు చూడలేదని ఈమె తెలిపారు. అదే విధంగా తన భర్తకు చిరంజీవి హీరో అని ఈ సందర్భంగా అరుణ భర్త మోహన్ తెలియజేశారు.