Nagarjuna: అక్కినేని నాగార్జున సోషల్ మీడియాలో భారీ స్థాయిలో విమర్శలను ఎదుర్కొన్న సంగతి మనకు తెలిసిందే. ఈయన ముంబై ఎయిర్ పోర్ట్ లో వస్తున్న సమయంలో అక్కడే పని చేస్తున్నటువంటి ఓ అభిమాని తనని కలవడం కోసం వచ్చారు కానీ తన బాడీగార్డ్ మాత్రం తనని తోయడంతో ఒక్కసారిగా ఆ వ్యక్తి కింద పడపోయారు.

ఇలా ఆ వ్యక్తి కింద పడుతున్న తరుణంలో అక్కడే ఉన్నటువంటి మరొక సిబ్బంది తనని పట్టుకున్నారు. అయితే నాగార్జునకు ఈ విషయం జరిగినది తెలియదు కానీ సోషల్ మీడియాలో ఇందుకు సంబంధించిన వీడియోలు వైరల్ గా మారడమే కాకుండా నాగార్జున పై విమర్శలు రావడం మొదలయ్యాయి. ఇలా ఈ విషయం నాగార్జున దృష్టికి వెళ్లడంతో ఆయన స్పందించి క్షమాపణలు చెప్పారు.

ఇప్పుడు ఈ విషయం నా దృష్టికి వచ్చింది మా స్టాఫ్ అలా చేసి ఉండకూడదు. ఇకపై ఇలాంటివి జరగకుండా చూసుకుంటాము క్షమించండి అంటూ క్షమాపణలు కోరారు. అయితే తాజాగా మరోసారి అదే ఎయిర్ పోర్ట్ కి వెళ్లిన నాగార్జున మొన్న తనని కలవడానికి వచ్చిన అభిమానిని పిలిచి తనని దగ్గరకు తీసుకున్నారు. అయితే ఆయన హ్యాండీక్యాప్ కావడం గమనార్హం.

అభిమానిని కలిసిన నాగార్జున
ఇలా తనని దగ్గరకు పిలిపించుకొని తనతో మాట్లాడారు. ఇలా నాగార్జున తనని దగ్గరికి తీసుకోవడంతో ఆ అభిమాని కూడా సంతోషం వ్యక్తం చేశారు. ప్రస్తుతం ఇందుకు సంబంధించిన వీడియోలు వైరల్ అవుతున్నాయి. ఇక ఈ వీడియో పై పలువురు వివిధ రకాలుగా కామెంట్లు చేస్తున్నారు. నాగార్జున తన తప్పు తెలుసుకొని ఆ అభిమానిని కలవడానికి వెళ్ళారా అంటూ కామెంట్లు చేస్తున్నారు.