Nandamuri Tarakaratna: నందమూరి తారకరత్న ఇటీవల గుండెపోటుతో అనారోగ్యం పాలైన సంగతి అందరికీ తెలిసిందే. గత నాలుగు రోజులుగా తారకరత్న ఆరోగ్యానికి సంబంధించిన వార్తలు ఎప్పటికప్పుడు వైరల్ అవుతూనే ఉన్నాయి. ఇటీవల నారా లోకేష్ ప్రారంభించిన యువగలం పాదయాత్రలో పాల్గొన్న తారకరత్న అకస్మాత్తుగా గుండెపోటు రావడం వల్ల అనారోగ్యం పాలయ్యాడు. దీంతో వెంటనే స్థానిక ఆసుపత్రికి తీసుకెళ్లి ప్రతిమ చికిత్స చేయించిన తర్వాత మెరుగైన వైద్యం కోసం బెంగళూరులోని నారాయణ హృదయాలయ ఆసుపత్రికి తరలించారు.

ప్రస్తుతం తారకరత్న ఆరోగ్య పరిస్థితి నిలకడగా ఉందని నందమూరి కుటుంబ సభ్యులు వెల్లడించారు. ఇదిలా ఉండగా నందమూరి తారకరత్న మహిళా అనారోగ్యం పాలవటంతో ప్రస్తుతం ఆయన కుటుంబానికి సంబంధించిన విషయాల గురించి తెలుసుకోవటానికి ప్రజలు ఆసక్తి చూపుతున్నారు. నందమూరి తారక రామారావు కుమారుడైన నందమూరి మోహనకృష్ణ కుమారుడే ఈ నందమూరి తారకరత్న.

తారకరత్న 2012లో అలేఖ్య రెడ్డి అనే యువతని వివాహం చేసుకున్నాడు. అలేఖ్య రెడ్డి మరెవరో కాదు ఎంపీ విజయసాయిరెడ్డి మరదలి కూతురే ఈ అలేఖ్య రెడ్డి. స్నేహితుల ద్వారా ఇద్దరి మధ్య పరిచయం ఏర్పడి ఆ పరిచయం కాస్త ప్రేమగా మారింది. అయితే వీరి పెళ్లికి ఇర కుటుంబ సభ్యులు నిరాకరించటంతో పెద్దలను ఎదిరించి వివాహం చేసుకున్నారు. విజయసాయిరెడ్డి వీరి వివాహానికి మద్దతుగా నిలిచాడని గతంలో ఒక ఇంటర్వ్యూలో పాల్గొన్న అలేఖ్య రెడ్డి వెల్లడించింది.

Nandamuri Tarakaratna: పెళ్లికి నో చెప్పారు…

వీరి వివాహం తర్వాత ఇటు నందమూరి కుటుంబ సభ్యులకు కూడా కొంతకాలం తారకరత్నని దూరం పెట్టారు. ఎందుకంటే తారకరత్న వివాహం చేసుకున్న అలేఖ్య రెడ్డికి గతంలోనే ఒకసారి వివాహం జరిగి విడాకులు తీసుకుంది. అందువల్ల నందమూరి కుటుంబ సభ్యులు వీరి వివాహాన్ని అంగీకరించకపోగా.. కొంతకాలం తారకరత్నను దూరంగా ఉంచారు. ఇక నాలుగు సంవత్సరాల క్రితం తారకరత్న పుట్టినరోజు సందర్భంగా అందరూ కలిసిపోయారు.