Nithin: టాలీవుడ్ యంగ్ హీరో నితిన్ తాజాగా నటించిన చిత్రం ఎక్స్ట్రా ఆర్డినరీ మ్యాన్. ఈ సినిమా డిసెంబర్ 8వ తేదీ ప్రేక్షకుల ముందుకు రాబోతుంది. వక్కంతం వంశీ దర్శకత్వంలో సుధాకర్ రెడ్డి నికితారెడ్డి నిర్మాణంలో తెరకెక్కినటువంటి ఈ సినిమా పై ఇప్పటికే ఎన్నో అంచనాలు ఏర్పడ్డాయి. ఇక ఈ సినిమా విడుదల తేదీ దగ్గర పడుతున్నటువంటి నేపథ్యంలో ప్రీ రిలీజ్ వేడుకను నిర్వహించారు.

ఈ కార్యక్రమంలో భాగంగా చిత్ర బృందం మొత్తం హాజరై సందడి చేశారు. ఇకపోతే ఈ సినిమాలో సీనియర్ నటుడు రాజశేఖర్ నెగిటివ్ పాత్రలో నటించిన సంగతి మనకు తెలిసిందే. ఇక ఈ కార్యక్రమంలో భాగంగా నితిన్ మాట్లాడుతూ పలు ఆసక్తికరమైనటువంటి విషయాలను వెల్లడించారు. నేను సినిమా ఇండస్ట్రీకి హీరోగా రావడానికి ఎన్నో కారణాలు ఉన్నాయి. ఆ కారణాలలో రాజశేఖర్ గారు కూడా ఒకరు అంటూ ఈ సందర్భంగా నితిన్ వెల్లడించారు.

నేను సినిమా ఇండస్ట్రీకి హీరోగా రావడమే కాకుండా మా నాన్న కూడా నిర్మాతగా ఇండస్ట్రీలో సెటిల్ అవ్వడానికి కూడా రాజశేఖర్ గారు కారణం అని ఈయన తెలియజేశారు. రాజశేఖర్ గారు నటించిన మగాడు సినిమాకు మా నాన్న మొట్టమొదటిసారి డిస్ట్రిబ్యూటర్ గా పనిచేశారు. ఈ సినిమా ఎంతో మంచి సక్సెస్ కావడంతో మా నాన్నకు సినిమాలపై ఆసక్తి పెరిగి ఇదే రంగంలోకి వచ్చే సెటిల్ అయ్యారని తెలిపారు.

డిస్ట్రిబ్యూటర్ గా పనిచేశారు..

ఒకవేళ ఈ సినిమా కనుక ఫ్లాప్ అయ్యి ఉంటే నాన్న తిరిగి సినిమా ఇండస్ట్రీలోకి వచ్చే ధైర్యం చేసేవారు కాదని నాకు కూడా సినిమా ఇండస్ట్రీ పై పెద్దగా ఆసక్తి కూడా ఉండేది కాదేమో అంటూ నితిన్ తెలిపారు. ఇండస్ట్రీలో తాను హీరోగా ఉన్నాను అంటే అందుకు రాజశేఖర్ గారు కూడా కారణమే అంటూ ఈ సందర్భంగా వెల్లడించారు.