Noel Sean: సింగర్ గా,నటుడిగా ఎంతో మంచి గుర్తింపు సంపాదించుకున్న నోయల్ గురించి ప్రత్యేకంగా పరిచయం అవసరం లేదు. ఈయన పలు సినిమాలలో నటుడిగా నటించడమే కాకుండా సింగర్ గా గుర్తింపు పొందారు. ఇకపోతే నోయల్ బిగ్ బాస్ కార్యక్రమంలోకి వెళ్లిన తర్వాత ఈయనకు మరింత క్రేజ్ వచ్చిందని చెప్పాలి. తాజాగా నోయల్ పంచతంత్రం కథలు అనే సినిమా ద్వారా ప్రేక్షకుల ముందుకు వచ్చారు.

ఈ క్రమంలోనే ఒక ఇంటర్వ్యూలో పాల్గొన్న నోయల్ సినిమా గురించి తన కెరియర్ గురించి ఎన్నో ఆసక్తికరమైన వ్యాఖ్యలు చేశారు. ఈ క్రమంలోనే బిగ్ బాస్ కార్యక్రమం గురించి కూడా నోయల్ కి పలు ఆసక్తికరమైన ప్రశ్నలు ఎదురయ్యాయి. ఈ క్రమంలోనే నోయల్ బిగ్ బాస్ కార్యక్రమం గురించి చేసిన కామెంట్స్ వైరల్ అవుతున్నాయి.

బిగ్ బాస్ హౌస్ లో లిమిటెడ్ కంటెస్టెంట్లు,ఫోన్ లేకుండా అన్ని రోజులపాటు ఎలా ఉండగలిగారు అంటూ ప్రశ్నించారు.ఈ ప్రశ్నకు నోయల్ సమాధానం చెబుతూ సాధారణ మనుషులు బిగ్ బాస్ హౌస్ లో ఉండలేరు అంటూ కామెంట్ చేశారు. సాధారణంగా మనం ఏదైనా గుడికి వెళ్లిన లేదా, హాస్పిటల్ కి వెళ్ళిన అక్కడ మనకు కేవలం ఒకే రంగు కనపడుతుంది. ఇలా ఒకే రంగు ఉంటే మనకు మానసిక ప్రశాంతత ఉంటుందని అర్థం.

సరైన తిండి, నిద్ర ఉండదు…

బిగ్ బాస్ హౌస్ లో మాత్రం ఏకంగా 300 రంగులు ఉంటాయి. అక్కడ ఉన్న ఆ కలర్స్ మనల్ని చాలా డిస్టర్బ్ చేస్తాయని, ఆ వాతావరణంలో టెన్షన్, కోపం, ఏడవడం, బాధపడటం మనకు తెలియకుండానే జరిగిపోతూ ఉంటాయని నోయల్ తెలిపారు.బిగ్ బాస్ హౌస్ లో సరైన తిండి నిద్ర కూడా ఉండదని ఈ సందర్భంగా ఈయన బిగ్ బాస్ కార్యక్రమం గురించి షాకింగ్ కామెంట్స్ చేశారు. ప్రస్తుతం బిగ్ బాస్ కార్యక్రమం గురించి నోయల్ చేసిన ఈ కామెంట్స్ వైరల్ అవుతున్నాయి.