Pamu Raghu : తెలంగాణ రాష్ట్ర రాజకీయాలు అవగాహన ఉన్న వారికి ముఖ్యంగా వార్తలు ఎక్కువగా చేసేవారికి తిన్మార్ మల్లన్న సుపరిచుతుడు. తీన్మార్ న్యూస్ చదువుతున్న మల్లన్న పేరుతో బాగా ఫేమస్. ప్రస్తుతం క్యూ న్యూస్ పేరిట యూట్యూబ్ ఛానెల్ ద్వారా న్యూస్ అందిస్తూ అవినీతి చేస్తున్న రాజకీయాల చిట్టా విప్పుతానని అభివృద్ధి ఎక్కడ జరగుతోందో చూపించాలంటూ కార్యక్రమాలను నిర్వహించే తీన్మార్ మల్లన్న ఇటీవలే లక్ష్మికాంత శర్మ కేసులో అరెస్టు అయి జైల్లో ఉన్నారు. అయితే మొదట్లో ఆయన అనుచరుడిగా ఉన్న పాము రఘు ప్రస్తుతం ఆయన దగ్గరినుండి బయటికి వచ్చి తెరాస పార్టీకి సపోర్ట్ చేస్తూ తీన్మార్ మల్లన్న అవినీతి పరుడు అంటూ కామెంట్స్ చేస్తున్నారు. ఇటీవల ఒక ఇంటర్వ్యూలో పాల్గొన్న పాము రఘు తీన్మార్ మల్లన్న బెదిరింపు రాజకీయాలు చేస్తాడంటూ ఆరోపించారు.
మల్లన్న ఆఫీషియల్ బెగ్గర్…
పాము రఘు ఇంటర్వ్యూలో మాట్లాడుతూ తన మీద లైంగిక ఆరోపణలను చేసి కావాలనే బయటికి పంపాడని నా మీద చేసిన ఆరోపణలకు ఒక్క ఆధారమైనా చూపమంటూ మాట్లాడారు. ఇక తీన్మార్ మల్లన్న గురించి చాలా ఆరోపణలను చేశారు. మల్లన్న ఉదయం న్యూస్ చదవాలంటే ఖచ్చితంగా తాగే వస్తాడని అదికూడా కాస్ట్లీ మందు తాగుతాడంటూ చెప్పాడు రఘు.
ఇక తాను చేసేవన్నీ బ్లాక్ మెయిల్ పనులంటూ చెప్పారు. ఎవరైనా రాజకీయ నాయకుడి మీద ఆరోపణలు వస్తే తెరాసలో తెలిసిన నాయకులకు దాని తాలూకు వీడియోలు ఫోటోలు పంపి బ్లాక్ మెయిల్ చేయమని డబ్బు సగం సగం పంచుకుందామని చెప్తాడు. తన దగ్గర డబ్బు పెట్టకుండా బినామీల వద్ద డబ్బు ఉంచుతాడు అంటూ ఆరోపించాడు. తానొక బ్రోకర్ అంటూ తీవ్రంగా విమర్శించాడు.