Poonam kaur: తెలుగు సినిమా ఇండస్ట్రీలో నటి పూనమ్ కౌర్ చేసినది తక్కువ సినిమాలే అయినప్పటికీ ఈమెకు వచ్చిన పాపులారిటీ మాత్రం మామూలుగా లేదు. అయితే ఈ పాపులారిటీ సినిమాల ద్వారా వచ్చింది కాదండోయ్…సోషల్ మీడియా వేదికగా ఈమె చేసే వివాదాస్పదమైన ట్వీట్ ల ద్వారా ఈమె పెద్ద ఎత్తున గుర్తింపు సంపాదించుకున్నారు. అసలు ఈమె ఎవరిని ఉద్దేశించి ట్వీట్లు చేస్తుందనే విషయం కూడా తెలియకుండా పరోక్షంగా ట్వీట్లు చేస్తూ వివాదాలకు కారణమవుతుంటారు.

ఈ విధంగా సోషల్ మీడియా ద్వారా ఎంతో గుర్తింపు సంపాదించుకున్న ఈ వివాదాస్పద బ్యూటీ గత కొంత కాలం నుంచి సోషల్ మీడియాకు దూరంగా ఉంది.ఇకపోతే తాజాగా ఈమె సోషల్ మీడియా వేదికగా ఒక ఫోటోని షేర్ చేశారు అయితే ఈ ఫోటో చూసినటువంటి అభిమానులు ఈమె ఎవరికీ తెలియకుండా రహస్యంగా పెళ్లి చేసుకున్నారా అనే సందేహాలను కూడా వ్యక్తం చేస్తున్నారు.

ఇలా రహస్యంగా పెళ్లి చేసుకున్నారా లేకపోతే త్వరలోనే పెళ్లి చేసుకోబోతున్నారా అందుకే ఇలాంటి ఫోటోని షేర్ చేశారా అంటూ పెద్ద ఎత్తున నేటిజన్స్ సందేహాలను వ్యక్తపరుస్తున్నారు. ఇంతకీ ఈమె షేర్ చేసిన ఫోటోలో ఏముందనే విషయానికి వస్తే… ఉత్తర భారత దేశంలో పెళ్లయిన మహిళలు తమ భర్త క్షేమంగా ఉండాలని ఎంతో సాంప్రదాయబద్ధంగా జరుపుకునే పండుగలలో కర్వా చౌత్ పండుగ ఒకటి.

Poonam kaur:కర్వా చౌత్ జరుపుకున్న పూనమ్…

ఈ పండుగ రోజు జల్లెడలో దీపాల వెలుగులను చూస్తూ తన భర్త క్షేమంగా ఉండాలని మహిళలు కోరుకుంటారు.
ఈ క్రమంలోనే ఈ పండుగను పూనమ్ కవూర్ కూడా జరుపుకోవడంతో ఈమె ఎవరికీ తెలియకుండా పెళ్లి ఎప్పుడు చేసుకున్నారు అంటూ కొందరు కామెంట్లు చేయగా మరికొందరు త్వరలోనే ఈమె పెళ్లి చేసుకోబోతుందేమో అందుకే తనకు కాబోయే భర్త క్షేమంగా ఉండాలని ఇలా పండుగ జరుపుకున్నారా అంటూ కామెంట్లు చేస్తున్నారు. ప్రస్తుతం దీపపు వెలుగులలో జల్లెడ పట్టుకొని ఉన్నటువంటి ఫోటో సోషల్ మీడియాలో వైరల్ గా మారింది.