Pruthvi : సినిమాలతో మొదలు పెట్టి సీరియల్స్ లోకి వెళ్లి తమిళ సీరియల్స్ తో బాగా ఫేమస్ అయిన పృథ్వీ తెలుగులో మాత్రం పెళ్లి పృథ్వీగా బాగా ఫేమస్ అయ్యాడు. ‘పెళ్లి’ సినిమా కంటే ముందే పృథ్వీ తెలుగులో సినిమాలు చేసిన పెళ్లి సినిమాతో వచ్చిన ఫేమ్ వల్ల పెళ్లి పృథ్వీగా పేరు తెచ్చుకున్నాడు. ఇక పెళ్లి తరువాత అడపాదడపా సినిమాలు చేసినా మళ్ళీ సమర సింహ రెడ్డి, మన్మధుడు, చెన్నకేశవ రెడ్డి వంటి సినిమాలతో మంచి పేరు తెచ్చుకున్నాడు. హీరోగానే నటించాలనే నియమేమీ పెట్టుకోకుండా ఇతర హీరోల సినిమాలలో కూడా నటించాడు పృథ్వీ.
పెళ్లి సినిమా నిర్మాతను చెప్పతో కొడతా అన్నాను…
బబ్లు పృథ్వీగా అప్పటి వరకు అందరికీ తెలిసిన పృథ్వీ పెళ్లి సినిమాతో ఒక్కసారిగా తెలుగులో పాపులర్ అయ్యారు. వెరైటీగా విలనిజం చూపించిన పృథ్వీ అప్పటి నుండి పెళ్లి పృథ్వీ గా గుర్తింపు తెచ్చుకున్నాడు. అయితే తమిళ ఇండస్ట్రీలో ఉన్న పృథ్వీ కి తెలుగులో అవకాశం ఎలా వచ్చింది అనే విషయాన్ని ఆయన ఇటీవల ఒక ఇంటర్వ్యూలో పంచుకున్నారు. తమిళ సినిమా ఇండస్ట్రీలో ఒకవైపు హీరోగా సినిమాలు చేస్తూనే మరోవైపు బుల్లితెర మీద సీరియల్స్, మరో వైపు గేమ్ షో చేస్తూ ఫుల్ బిజీగా ఉన్న పృథ్వీ కి పెళ్లి సినిమా నిర్మాత రామలింగేశ్వరావు దగ్గరి నుండి ఫోన్ వచ్చింది.
అయితే అప్పటికే పృథ్వీ స్నేహితుడు ఒకతను మిమిక్రి చేస్తూ పెద్ద డైరెక్టర్లు ఫోన్ చేసినట్లు మాట్లాడి పృథ్వీ ని ఆటపట్టించేవారు. ఇక నిజంగానే నిర్మాత రామలింగేశ్వరావు గారు ఫోన్ చేస్తే తన ఫ్రెండ్స్ కావాలని అలా చేస్తున్నారుసనుకుని పృథ్వీ చెప్పుతో కొడతా ఇలా కాల్ చేశావంటే అని అన్నారట. అయితే రామలింగేశ్వర్రావు గారు నేను నిజంగా నిర్మాత అని చెప్పి టీవీ లో మీ ప్రోగ్రామ్ చూసి మా సినిమాకు మీరైతే కరెక్ట్ అని ఫోన్ చేసానని చెప్పగానే క్షమించమని అడిగి అలా పెళ్లి సినిమాలో అవకాశం పొందారు పృథ్వీ. అయితే అప్పటికే నాజర్ సినిమాలో చేయాల్సి ఉన్నా టీవీ లో చేస్తున్న వ్యక్తి తో సినిమలో హీరోగా కష్టం అని ప్రాజెక్ట్ నుండి తప్పించారట. ఆ తరువాత అదే టీవీ లో పృథ్వీ ని చూసి పెళ్లి సినిమా అవకాశం వచ్చింది.