Puri Jagnnath: టాలీవుడ్ ఇండస్ట్రీ డేరింగ్ అండ్ డాషింగ్ డైరెక్టర్ గా గుర్తింపు పొందిన పూరి జగన్నాథ్ గురించి ప్రత్యేకంగా పరిచయం చేయాల్సిన అవసరం లేదు. పూరి జగన్నాథ్ దర్శకత్వం వహించిన ఎన్నో సినిమాలు బ్లాక్ బస్టర్ హిట్ గా నిలిచి పూరీ జగన్నాథ్ క్రేజ్ పెంచితే మరికొన్ని సినిమాలు డిజాస్టర్ గా నిలిచి పూరీ స్టార్డం మీద దెబ్బ కొట్టాయి. ఈ క్రమంలో ఇటీవల విడుదలైన లైగర్ సినిమా కూడా డిజాస్టర్ గా నిలిచి ఇండస్ట్రీలో పూరి జగన్నాథ్ కి అవకాశాలను దూరం చేసింది.

భారీ బడ్జెట్ తో ఎంతో ప్రతిష్టాత్మకంగా నిర్మించిన లైగర్ సినిమా మీద ప్రేక్షకులు భారీ అంచనాలు పెట్టుకున్నారు. అయితే ఈ సినిమా విడుదలైన తర్వాత ప్రేక్షకుల అంచనాలను చేరుకోలేకపోయింది. ఈ సినిమా వల్ల పూరి జగన్నాథ్ ఆర్థికంగా కూడా చాలా నష్టపోయాడు. ఇక దర్శకుడిగా పూరి జగన్నాథ్ కి అవకాశాలు ఇవ్వటానికి హీరోలు కూడా వెనకడుగు వేస్తున్నారు. ఈ క్రమంలో చిరంజీవి పూరి జగన్నాథ్ కి అవకాశం ఇవ్వటానికి ముందుకు వచ్చినట్లు తెలుస్తోంది.

ఇప్పటివరకు ఎంతోమంది దర్శకులకు అవకాశం ఇచ్చిన చిరంజీవి ఇప్పుడు పూరి జగన్నాథ్ కి కూడా ఒక అవకాశం ఇవ్వాలని భావించినట్లు సమాచారం. పూరి జగన్నాథ్ కూడా చాలా కాలంగా చిరంజీవితో సినిమా చేయాలని ఎదురు చూస్తున్నాడు. అయితే పూరి జగన్నాథ్ కి చిరంజీవి అవకాశం ఇవ్వటానికి కొన్ని కండిషన్స్ పెట్టినట్లు తెలుస్తోంది.

Puri Jagnnath: వంద రోజుల్లో కథ పూర్తి చేసి పెట్టాలి…

ప్రస్తుతం చిరంజీవి వరస సినిమాలలో నటిస్తూ బిజీగా ఉన్నాడు. ఈ క్రమంలో వంద రోజుల్లో కథ వినిపించి తనను మెప్పిస్తే ఖచ్చితంగా సినిమా చేస్తానని పూరి జగన్నాథ్ కి చిరంజీవి కండిషన్ పెట్టినట్లు తెలుస్తోంది. అంతేకాకుండా కథ నచ్చిన కూడా కేవలం వంద రోజులలో షూటింగ్ పూర్తి చేయాలని కండిషన్ పెట్టినట్లు ఇండస్ట్రీ వర్గాల నుండి సమాచారం. చిరంజీవి ఇచ్చిన ఈ అవకాశాన్ని పూరి జగన్నాథ్ ఎలా సద్వినియోగం చేసుకుంటాడు చూడాలి మరి. ఒకవేళ చిరంజీవిని మెప్పించే కథ సిద్ధం చేసి వంద రోజులలో షూటింగ్ పూర్తి చేస్తే పూరీ జగన్నాథ్ కి ఇండస్ట్రీలో మళ్ళీ అవకాశాలు లభించే అవకాశం ఉంది.