Rahul Ravindran: చిత్ర పరిశ్రమలో డబ్బింగ్ ఆర్టిస్టుగా సింగర్ గా ఎంతో మంచి గుర్తింపు సంపాదించుకున్నటువంటి సింగర్ చిన్మయి శ్రీపాద పెద్ద ఎత్తున సోషల్ మీడియాలో యాక్టివ్ గా ఉంటూ మహిళలకు వస్తున్నటువంటి సమస్యలపై స్పందిస్తూ తన అభిప్రాయాలను తెలియజేస్తూ ఉంటారు. ఈ క్రమంలోనే ఈమె భారీగా ట్రోల్స్ కి గురవుతూ ఉంటారు.

గతంలో ఈమె తమిళ ప్రముఖ రచయిత వైరుముత్తుపై లైంగిక ఆరోపణలు చేసిన విషయం మనకు తెలిసిందే. ఈ విషయం కాస్త అప్పట్లో చాలా వివాదంగా మారింది. దీంతో ఈమెను కోలీవుడ్ చిత్ర పరిశ్రమ బహిష్కరణ చేసింది. ఇలా అప్పటి నుంచి మహిళల పట్ల జరుగుతున్నటువంటి అన్యాయాలను ప్రశ్నిస్తూ వార్తల్లో నిలుస్తున్నటువంటి చిన్మయిని అదే స్థాయిలో నెటిజన్స్ ట్రోల్ చేసేవారు.

ఇలా తన గురించి ఎన్ని విమర్శలు చేసిన ఆమె మాత్రం తన అభిప్రాయాలను అందరితో పంచుకునేవారు అయితే తాజాగా మరోసారి సింగర్ చిన్మయిపై ఇలాంటి ట్రోల్స్ చేయడమే కాకుండా ఏకంగా తన భర్త నటుడు రాహుల్ రవీందర్ కు ట్యాగ్ చేశారు. దీంతో మొదటిసారి తన భార్యపై వస్తున్నటువంటి ట్రోల్స్ గురించి స్పందించాల్సి వచ్చింది.ఈ సందర్భంగా రాహుల్ రవీందర్ చిన్మయి గురించి తనపై వస్తున్న ట్రోల్స్ గురించి ఒక నోట్ విడుదల చేశారు.

Rahul Ravindran: తన ప్రేమకు లిమిట్స్ ఉండవు…

చిన్మయినీ కేవలం ఒక సెలబ్రిటీగా మాత్రమే చూడకండి సమాజంలో ఉన్న సమస్యలపై ఆమె చేస్తున్న పోరాటం చూడండి. ఆమె చేసే పనినీ మెచ్చుకోకపోయినా పర్వాలేదు కానీ అర్థం చేసుకోవడానికి ప్రయత్నం చేయండి.ముందుగా ఆమె చెప్పేది వినండి విన్న తర్వాత తనతో ఏకీభవిస్తారా వ్యతిరేకిస్తారా అన్నది మీ ఇష్టం.ఆమె అందరితో మంచిగా ఉంటుంది ఒక అభిమాని లాగా ఒక అక్క లాగా అందరి పట్ల ప్రేమను చూపిస్తుంది. తన ప్రేమకు లిమిట్స్ ఉండవు. ఎవరికైనా ఒక సమస్య వస్తే ఆ సమస్యను మరో కోణంలో చూసినప్పుడే పరిష్కారం లభిస్తుందనీ ఆయన ఈ సందర్భంగా చేసినటువంటి ఈ కామెంట్స్ వైరల్ అవుతున్నాయి.