Rajamouli clarifies about balancing both heroes : ఆర్ఆర్ఆర్ విడుదలయ్యాక సినిమా అందరికి నచ్చింది కానీ ఎన్టీఆర్ అభిమానులకు మాత్రం సంతృప్తి ఇవ్వలేదు. కారణం ఎన్టీఆర్ కు స్క్రీన్ స్పేస్ ఇవ్వలేదని వారి వాదన. రామ్ చరణ్ ను బాగా ఎలివేట్ చేసి ఎన్టీఆర్ ను సెకండ్ హీరో చేసావ్ అంటూ జక్కన్న పై ఫైర్ అయ్యారు. సినిమాను సినిమాలా చూడండి మా హీరో మీ హీరో అంటూ చూడకండని ఎంత చెప్పిన అభిమానుల మాట వాళ్లదే స్వయంగా ఎన్టీఆర్ ఈ విషయంపై క్లారిటీ ఇచ్చిన అభిమానులకు సంతృప్తి కలుగలేదు.

కొమరం భీముడు పాటలో ఎన్టీఆర్ నటన ఇండియాలో మరే నటుడు చేయలేడు……

ఇక రాజమౌళి పలు ప్రెస్ మీట్ లలో పాల్గొంటూ సినిమా గురించిన విషయాలు చెప్తూనే ఉన్నారు ఇక ఈ సందర్బంలోనే ఇద్దరిని సమానంగా చూపించామని కొమరం భీముడో పాట వద్ద సినిమా ఆపేసుంటే ఎన్టీఆర్ హైలైట్ అయ్యేవాడని, సినిమా క్లైమాక్స్ ఫైట్ లో రామ్ చరణ్ కనిపించాడు కాబట్టి రామ్ చరణ్ హైలైట్ అయ్యాడని చెప్పారు. ఇక రామ్ చరణ్ బాగా నటిస్తాడని తెలుసు కాని ఇంత బాగా నటించడం అందరిని ఆశ్చర్యానికి గురిచేసిందని ఎన్టీఆర్ గురించి ఆల్రెడీ తానొక గొప్ప నటుడని అందరికి తెలుసు కాబట్టి రామ్ చరణ్ ఎక్కువ కనిపిస్తున్నాడే తప్ప ఇంకేం కాదని చెప్పారు.అయితే కొమరం భీముడో పాటలో ఎన్టీఆర్ హావభావాలు చాలా ఆశ్చర్యపరిచాయని తెలిపారు.

ఎన్టీఆర్ గొప్ప నటుడని తెలుసు కానీ కొన్ని సన్నివేశాల్లో తన అభినయం మాత్రం అసలు ఊహించలేదని మాతృ భూమి పై ప్రేమ చూపిస్తూనే తనకు కలుగుతున్న నొప్పిని బాధను ఏకకాలంలో చూపించడం ఇండియాలో మరే నటుడికి సాధ్యం కాదని ఆయన చెప్పారు. నేను ఇస్తున్న ఈ స్టేట్ మెంట్ చాలా పెద్దదని నాకు తెలుసు కానీ ఎన్టీఆర్ ఆ ప్రశంసలకు అర్హుడని తెలిపారు.