Rajasekhar -Jeevitha: సీనియర్ హీరో రాజశేఖర్ జీవిత దంపతులు మరో వివాదంలో చిక్కుకున్నారు. జీవిత రాజశేఖర్ తమను దారుణంగా మోసం చేశారని జోస్టర్ ఫిలిమ్ సర్వీసెస్ సభ్యులు మీడియా ముందు పెద్ద ఎత్తున ఆరోపణలు చేశారు. ఈ క్రమంలోనే జీవిత రాజశేఖర్ గురించి వీరు చేసిన ఈ కామెంట్ సోషల్ మీడియాలో వైరల్ గా మారాయి.

శుక్రవారం జోస్టర్‌ ఫిలిం సర్వీసెస్‌ డైరెక్టర్‌ కోటేశ్వర్‌ రాజు, ఎండీ హేమ మీడియాతో మాట్లాడుతూ.. రాజశేఖర్ జీవిత దంపతులు గరుడవేగ సినిమా కోసం తమ వద్ద నుంచి 26 కోట్ల రూపాయలను అప్పుగా తీసుకున్నారనిఎండీ హేమమీడియా ముందు వెల్లడించారు. రాజశేఖర్ తండ్రి విన్నపం మేరకు రాజశేఖర్ ఆస్తులను తాకట్టు పెట్టుకుని వారికి 26 కోట్ల రూపాయలు ఇచ్చినట్లు వెల్లడించారు.

రాజశేఖర్ దంపతులు వారి ఆస్తులను బినామీ పేర్ల పై మార్చుకుని దారుణంగా మోసం చేశారని, వారి వల్ల ఎన్నో ఇబ్బందులు ఎదుర్కొంటున్నామని ఎండీ హేమ ఆవేదన వ్యక్తం చేశారు.జీవిత రాజశేఖర్ దంపతులు చాలా డేంజరస్ అని త్వరలోనే రాజశేఖర్ జైలుకు కూడా వెళ్తారని ఆమె ఆరోపించారు. ఇప్పటికే వీరిపై ఏపీ తమిళనాడు కోర్టులలో కేసులు ఉన్నాయని ఎండి హేమ ఆరోపించారు.

ఎన్నో ఇబ్బందులు ఎదుర్కొన్నాం…

ప్రవీణ్ సత్తారు దర్శకత్వంలో రాజశేఖర్, పూజా కుమార్ లు హీరో హీరోయిన్లుగా నటించిన పిఎస్వి గరుడవేగ. ఈ సినిమా బాక్సాఫీస్ వద్ద మంచి విజయాన్ని అందుకొని భారీ వసూళ్లు రాబట్టింది. ఈ సినిమా నిర్మాణం కోసం మా వద్ద తీసుకున్న అప్పు ఇప్పటివరకు చెల్లించలేదని జీవిత రాజశేఖర్ దంపతులపై జోస్టర్‌ ఫిలిం సర్వీసెస్‌ చేసిన సంచలన వ్యాఖ్యలు సోషల్ మీడియాలో వైరల్ గా మారాయి.మరి ఈ విషయం పై జీవిత రాజశేఖర్ దంపతులు ఏ విధంగా స్పందిస్తారో తెలియాల్సి ఉంది.