Rakesh Master -Prabhu Deva: సినిమా ఇండస్ట్రీలో కొరియోగ్రాఫర్లుగా ఎంతోమంది చలామణి అవుతున్నారు. ఇలా ఇండస్ట్రీలో స్టార్ హీరోలకు కొరియోగ్రఫీ చేస్తున్నటువంటి జానీ మాస్టర్ శేఖర్ మాస్టర్ వంటి ఎంతో అద్భుతమైన కొరియోగ్రాఫర్లను తీర్చిదిద్దిన ఘనత రాకేష్ మాస్టర్ కి చెల్లుతుందని చెప్పాలి వీరందరూ కూడా రాకేష్ మాస్టర్ దగ్గర శిష్యరికం చేసినవారే.

ఇలా రాకేష్ మాస్టర్ టాలీవుడ్ ఇండస్ట్రీలో సుమారు 1500 సినిమాలకు కొరియోగ్రఫీ చేశారు. ఈయన టాలీవుడ్ ఇండస్ట్రీలో అగ్ర హీరోలు అందరికీ కొరియోగ్రఫీ అందించారు.ఇలా ఒకానొక సమయంలో కొరియోగ్రాఫర్ గా ఎంతో పేరు ప్రఖ్యాతలు సంపాదించుకున్న రాకేష్ మాస్టర్ ఈ మధ్య యూట్యూబ్ ఛానల్ ఇంటర్వ్యూలలో పాల్గొని పలు సంచలన వ్యాఖ్యలు చేస్తూ వివాదాలలో నిలబడ్డారు.

ఇకపోతే ఒకప్పుడు రాకేష్ మాస్టర్ ఇలా ఉండే వారు కాదు. ఇండియన్ మైఖేల్ జాక్సన్ గా ఎంతో పేరు సంపాదించుకున్నటువంటి ప్రభుదేవాకు ఈయన సవాల్ విసిరారు. ఢీ షో మొదలవుతున్న రోజులలో ఈ కార్యక్రమానికి జడ్జిలుగా తరుణ్ మాస్టర్, బృందా లాంటి మేటి కొరియోగ్రాఫర్లు వ్యవహరిస్తున్నారు. అదేవిధంగా ఈ షో కి ప్రభుదేవా కూడ వచ్చారు.

Rakesh Master -Prabhu Deva: తెలుగు తెలిసిన వారే జడ్జిగా ఉండాలి..

ఈ క్రమంలోనే రాకేష్ మాస్టర్ ప్రభుదేవాకు ఈ షోలో సవాల్ విసిరారు. తెలుగు తెలిసిన వారు మాత్రమే ఈ కార్యక్రమానికి న్యాయ నిర్ణయితలుగా ఉండాలని, తెలుగు వచ్చిన వాళ్లే ఈ కార్యక్రమంలో పాల్గొని మన దమ్ము చూపించాలని అప్పట్లో ప్రభుదేవాకు సవాల్ విసిరాడు. అయితే ఇలాంటి కార్యక్రమాలలో తెలుగువారికి అవకాశం కల్పించి వారికి కూడా ఇండస్ట్రీలో చోటు కల్పించాలని ఉద్దేశంతోనే రాకేష్ మాస్టర్ అప్పట్లో ప్రభుదేవాతో చాలెంజ్ విసిరారని తెలుస్తోంది. ప్రస్తుతం ఇందుకు సంబంధించిన ఈ వీడియో సోషల్ మీడియాలో వైరల్ గా మారింది.