Upasana: మెగా కోడలు ఉపాసన తన తాతయ్య అపోలో హాస్పిటల్ ఫౌండర్ డాక్టర్ సి ప్రతాపరెడ్డి పుట్టినరోజు సందర్భంగా ఈమె చెన్నై వెళ్లారు. తన తాతయ్య 91వ జన్మదిన వేడుకలను జరుపుకున్నారు. ఈ క్రమంలోనే చెన్నై వెళ్లినటువంటి ఉపాసన తన తాత పుట్టినరోజు సందర్భంగా ది అపోలో స్టోరీ అనే పుస్తకాన్నిr ఆవిష్కరించారు.

ఇలా ఈ పుస్తకావిష్కరణ కార్యక్రమం పూర్తి అయిన తర్వాత ఈమె మీడియా సమావేశంలో పాల్గొన్నారు. ఈ కార్యక్రమంలో భాగంగా ఉపాసన ఎన్నో విషయాలను వెల్లడించారు. ఇకపోతే చెన్నై గురించి మాట్లాడుతూ..నేను చెన్నై లోనే జన్మించానని తెలిపారు. ఇక రామ్ చరణ్ కూడా చెన్నైలోనే జన్మించారని ఈ సందర్భంగా ఉపాసన తెలిపారు.

మేమిద్దరం ఇక్కడే జన్మించడంతో మా ఇద్దరికీ చెన్నై అంటే చాలా స్పెషల్ అని చెన్నై సిటీ తమకు చాలా ఇష్టమైన ప్రదేశం అంటూ ఈ సందర్భంగా ఉపాసన తెలియజేశారు. కొణిదెల కామినేని కుటుంబాలకు రెండు తెలుగు రాష్ట్రాలలో ఎలా అయితే ఆదరణ ఉందో చెన్నైలో కూడా అదే ఆదరణ ఉందని మాపై ఇలాంటి మంచి ఆదరణ చూపిస్తున్నటువంటి వారందరికీ అభినందనలు అంటూ ఈమె తెలిపారు.

చెన్నై అంటే చాలా ఇష్టం..

ఇలా రామ్ చరణ్ తాను ఇద్దరం చెన్నైలోనే జన్మించాము అందుకే మాకు ఈ సిటీ అంటే చాలా ఇష్టం అంటూ ఈ సందర్భంగా ఉపాసన చేసినటువంటి వ్యాఖ్యలు ప్రస్తుతం వైరల్ అవుతున్నాయి. ఇక ప్రస్తుతం ఉపాసన రాంచరణ్ హైదరాబాద్ లోనే నివసిస్తున్న సంగతి మనకు తెలిసిందే. రామ్ చరణ్ సినిమాల పరంగా బిజీ అవ్వగా ఉపాసన అపోలో హాస్పిటల్ వ్యవహారాలను చూసుకుంటూ బిజీగా ఉన్నారు.