Singer Sri krishna: సింగర్ గా గుర్తింపు పొందిన యశస్వి కొండేపూడి గురించి ప్రత్యేకంగా పరిచయం చేయాల్సిన అవసరం లేదు. సూపర్ సింగర్స్ షో ద్వారా తెరపైకి వచ్చిన యశస్వి జాను సినిమాలోని లైఫ్ ఆఫ్ రామ్ పాటను అద్భుతంగా పాడి ఓవర్ నైట్ లో స్టార్ గా మారిపోయాడు. ఇలా సింగర్ గా గుర్తింపు పొందిన యశస్వి గురించి ఒక వార్త సోషల్ మీడియాలో వైరల్ అవుతోంది. ఇదిలా ఉండగా ఇటీవల ఒక షోలో పాల్గొన్న యశస్వి తను చేసిన సేవా కార్యక్రమాల గురించి వెల్లడించాడు.
యశస్వి చేసిన ఆ సేవా కార్యక్రమాలకు సంబంధించిన ఫోటోలు వీడియోలు ఆ ప్రోమోలో హైలెట్ గా నిలిచాయి. అయితే దీనిపై కాకినాడకు చెందిన నవసేవ ఫౌండేషన్ స్థాపకురాలు అయిన ఫరౌ కౌసర్ స్పందిస్తూ అభ్యంతరం వ్యక్తం చేస్తూ సంచలన వ్యాఖ్యలు చేశారు.యశశ్వి తమ ఫౌండేషన్ కి ఎలాంటి సహాయం చేయలేదని, ఎటువంటి సహాయం చేయకపోయినా కూడా సహాయం చేసినట్లు అబద్ధపు మాటలతో తమ ఫౌండేషన్ పేరు వాడుకొని తన ఫేం పెంచుకోవడానికి ప్రయత్నాలు చేస్తున్నాడని సంచలన వ్యాఖ్యలు చేసింది.
ఇలా యశస్వి మీద వచ్చిన ఈ ఆరోపణలపై తాజాగా సింగర్ శ్రీకృష్ణ స్పందించాడు. ఈ క్రమంలో శ్రీకృష్ణ స్పందిస్తూ.. ” పాపులారిటీ కోసం యశస్వి ఇలా తప్పుడు ప్రచారాలు చేస్తున్నాడని వస్తున్న వార్తల్లో నిజం లేదని, ఎందుకంటే యశస్వి ఎన్జీవోలకు పెద్ద మొత్తంలో సహాయం చేయడం నేను స్వయంగా చూశానని శ్రీకృష్ణ వెల్లడించాడు. అంతేకాకుండా సింగర్ గా యశస్వి ఇప్పటికే చాలా పాపులర్ అయ్యాడు. అలాంటిది పబ్లిసిటీ కోసం ఇలాంటి తప్పుడు ప్రచారాలు చేయవలసిన అవసరం తనకి లేదు.
Singer Sri krishna: యశస్వికి అలాంటి అవసరం లేదు…
నిజాన్ని తెలిపే బాధ్యత నాపై ఉన్నందున ఈ పోస్ట్ షేర్ చేస్తూ యశస్వికి సపోర్ట్ చేస్తున్నాను” అంటూ శ్రీకృష్ణ సోషల్ మీడియాలో ఒక పోస్ట్ షేర్ చేశాడు. ఇక మరొకవైపు యశస్వి కూడా తనపై వస్తున్న ఆరోపణల గురించి స్పందిస్తూ ..” నవసేవ ఫౌండేషన్ తో తనకు ఎటువంటి సంబంధం లేదని, ఆ సంస్థకు నేను సహాయం చేసినట్టు ఎక్కడ ప్రచారం చేయదని” తనపై వస్తున్న ఆరోపణలను ఖండించాడు.