Salman Khan: బాలీవుడ్ కండలవీరుడు సల్మాన్ ఖాన్ ప్రస్తుతం చిరంజీవి నటిస్తున్న గాడ్ ఫాదర్ సినిమాలో కీలక పాత్రలో నటిస్తున్న సంగతి మనకు తెలిసిందే. ఇప్పటికే ఈయనకు సంబంధించిన షూటింగ్ కూడా సల్మాన్ ఖాన్ పూర్తి చేసుకున్నారు. ఇదిలా ఉండగా దేశవ్యాప్తంగా ప్రభంజనం సృష్టిస్తున్న RRR సినిమాపై బాలీవుడ్ ప్రముఖుల నుంచి ప్రశంసలు అందుతున్నాయి.
ఈ క్రమంలోనే ఈ సినిమా బాలీవుడ్ ఇండస్ట్రీలో వంద కోట్ల వసూళ్లను రాబట్టింది.ఈ విధంగా వంద కోట్ల క్లబ్లో ఈ సినిమా చేరడంతో చాలామంది ఈ సినిమాకి వచ్చిన క్రేజ్ చూసి ఆశ్చర్యపోతున్నారు. ఈ సందర్భంగా సల్మాన్ ఖాన్ ఈ సినిమా విజయంపై స్పందిస్తూ సంచలన వ్యాఖ్యలు చేశారు.
ఈ సినిమా ఎంతో అద్భుతంగా ఉందని చరణ్ ఎంతో అద్భుతంగా నటించారని ఆయన్ని చూస్తుంటే చాలా గర్వకారణంగా ఉందని వెల్లడించారు. ఈ సినిమా మంచి విజయాన్ని అందుకున్నందుకు రామ్ చరణ్ కు సల్మాన్ ఖాన్ శుభాకాంక్షలు తెలియజేశారు.
ఆశ్చర్యం కలిగిస్తుంది…
ఇక ఈ సినిమా విజయం గురించి సల్మాన్ ఖాన్ మాట్లాడుతూ అదేంటో దక్షిణాది సినిమాలు బాలీవుడ్ ఇండస్ట్రీలో ఎంతో అద్భుతంగా ఆడతాయి. కానీ మా బాలీవుడ్ చిత్రాలు సౌత్ ఇండస్ట్రీలో పెద్దగా ఆడవు. అసలు కారణం ఏంటో తెలియడం లేదు. నాకు చాలా ఆశ్చర్యంగా అనిపిస్తుందంటూ సల్మాన్ ఖాన్ సౌత్ సినిమాలపై ప్రశంసలు కురిపించారు.ప్రస్తుతం సౌత్ సినిమాలపై సల్మాన్ ఖాన్ చేసిన ఈ వ్యాఖ్యలు సోషల్ మీడియాలో వైరల్ గా మారాయి.