Sreeleela: వెండితెరకు పరిచయమైన అతి తక్కువ సమయంలోనే ఎన్నో అద్భుతమైన సినిమాలలో అవకాశాలు అందుకుంటూ ప్రస్తుతం అరుడజనుకు పైగా సినిమా అవకాశాలతో ఎంతో బిజీగా ఉన్నటువంటి వారిలో యంగ్ హీరోయిన్ శ్రీ లీల ఒకరు. శ్రీకాంత్ కుమారుడు రోషన్ హీరోగా ప్రేక్షకుల ముందుకు వచ్చిన చిత్రం పెళ్లి సందD. ఈ సినిమా ద్వారా ఈమె హీరోయిన్గా ఇండస్ట్రీకి పరిచయమయ్యారు.

ఇలా ఈ సినిమా ద్వారా ఇండస్ట్రీలో ఎంతో మంచి గుర్తింపు సంపాదించుకున్న ఈమె అనంతరం రవితేజ హీరోగా నటించిన ధమాకా సినిమా ద్వారా సూపర్ హిట్ సినిమాలు తన ఖాతాలో వేసుకున్నారు. ప్రస్తుతం ఈమె అనిల్ రావిపూడి దర్శకత్వంలో బాలకృష్ణ హీరోగా చేస్తున్న సినిమాలో నటిస్తున్నారు. అలాగే బోయపాటి రామ్ కాంబినేషన్లో రాబోతున్న సినిమాలో కూడా నటిస్తున్నారు.

ఈ సినిమాతో పాటు మహేష్ బాబు త్రివిక్రమ్ కాంబినేషన్లో రాబోతున్న సినిమా షూటింగ్ పనులలో కూడా ఈమె ఎంతో బిజీగా గడుపుతున్నారు. ఇలా సుమారు అరడజనుకు పైగా సినిమా అవకాశాలను అందుకొని ఎంతో బిజీగా గడుపుతున్నటువంటి శ్రీ లీల సరదాగా ఒక ఇంటర్వ్యూలో పాల్గొన్నారు. ఇంటర్వ్యూలో భాగంగా సినిమాలపై తనకు ఉన్న ఇష్టాన్ని బయటపెట్టారు.

Sreeleela: కెమెరా ముందు ఉండటమే ఇష్టం…

తాను ఇండస్ట్రీలోకి ఇప్పుడిప్పుడే వచ్చాను అయితే తనకు మంచి పాత్రలలో నటించే అవకాశాలు రావాలని మాత్రమే తన కోరుకుంటాను గానీ సినిమా మొత్తం తనపైనే ఆధారపడి ఉండాలని అసలు అనుకోనని తెలియజేశారు. ఇక ఇంట్లో ఖాళీ సమయంలో తనకు ఏమాత్రం పాలు పోదని తనకు ఇంట్లో ఉండటం కన్నా షూటింగ్ లొకేషన్లో ఉండడమే చాలా ఇష్టమని శ్రీ లీల తెలిపారు.తాను ఎప్పుడు కెమెరా ముందు ఉండడమే తనకు ఇష్టం అదే తనకు ఒక వ్యసనంగా మారిపోయిందంటూ ఈ సందర్భంగా సినిమాలపై ఈమెకు ఉన్న ఇష్టాన్ని తెలియజేస్తూ చేసిన ఈ కామెంట్స్ ప్రస్తుతం వైరల్ అవుతున్నాయి.