SS Rajamouli: తెలుగు చిత్ర పరిశ్రమలో దర్శకదీరుడుగా ఎంతో మంచి గుర్తింపు సంపాదించుకున్న ఎస్ఎస్ రాజమౌళి గురించి ఎంత చెప్పినా తక్కువే. సినిమా కోసం ప్రాణం పెట్టి పని చేస్తారు.ఒక సన్నివేశాన్ని ఈయన ఒక శిల్పంలా చెక్కుతారు కనుక రాజమౌళిని జక్కన్న అనే పేరుతో కూడా పిలుస్తుంటారు. ఇలా తెలుగు సినిమా ఖ్యాతిని ప్రపంచ స్థాయికి తీసుకెళ్లిన ఘనత మన జక్కన్నకే చెల్లుతుంది.
ఇలా ఈయన సినిమాలో ప్రతి ఒక్క సన్నివేశం క్లుప్తంగా రావడం కోసం ఎంతగానో శ్రమిస్తూ ఉంటారు. తాజాగా ఈయన దర్శకత్వంలో వచ్చిన ఆర్ఆర్ఆర్ ఖండాలను దాటి ఆదరణ సంపాదించుకుంది. ఈ సినిమా కోసం రాజమౌళి పడిన కష్టం ఏంటో తెరపై మనకు కనపడుతుంది.ఇలా అద్భుతమైన సినిమాని ప్రేక్షకులు ముందుకు తీసుకువచ్చిన రాజమౌళి గురించి తాజాగా ఓ వార్త వైరల్ గా మారింది.
రాజమౌళి ఆర్ఆర్ఆర్ సినిమా షూటింగ్ సమయంలో తీవ్ర అస్వస్థతకు గురయ్యారని తాజాగా నటి శ్రియ ఒక ఇంటర్వ్యూలో చెప్పుకొచ్చారు. ఈ ఇంటర్వ్యూ సందర్భంగా ఈమె మాట్లాడుతూ…ఆర్ఆర్ఆర్ సినిమా షూటింగ్ ఎక్కువగా దుమ్ము ఉన్న ప్రదేశంలో షూటింగ్ జరుగుతున్న సమయంలో రాజమౌళి గారు ఒక్కసారిగా ఆస్తమాకు గురయ్యారని ఈమె తెలియజేశారు.
SS Rajamouli: తీవ్ర ఆస్తమా సమస్యతో బాధపడ్డారు…
దుమ్ము కారణంగా ఆయన తీవ్రమైన ఆస్తమా సమస్యతో బాధపడినప్పటికీ ఏమాత్రం షూటింగ్ వాయిదా వేయకుండా షూటింగ్ పనులను ప్రారంభించారంటూ ఈ సందర్భంగా రాజమౌళి ఎదుర్కొన్న అనారోగ్య సమస్య గురించి ఈమె చెప్పిన కామెంట్స్ వైరల్ అవుతున్నాయి. ఇది తెలిసిన పలువురు ఇదే కదా రాజమౌళికి సినిమా పట్ల ఉన్న డెడికేషన్ అంటూ రాజమౌళి పై ప్రశంసల కురిపిస్తున్నారు.