ఆర్ఎక్స్ 100 ఫేమ్ అజయ్ భూపతి దర్శకత్వం వహించిన మహా సముద్రం సినిమా దసరా పండుగ స్పెషల్ గా అక్టోబర్ 14 న గ్రాండ్ గా రిలీజ్ అయిన విషయం అందరికి తెలిసిందే.ఈ యాక్షన్ అండ్ రొమాంటిక్ డ్రామా సినిమాను ఎకే ఎంటర్ టైన్ మెంట్స్ నిర్మించింది.ఇందులో సిద్ధార్థ్, శర్వానంద్ హీరోలుగా నటించగా,అదితి రావు హైదరి,అను ఇమ్మ్యూన్యూయేల్ హీరోయిన్ లుగా నటించారు.

చాలా సంవత్సరాల తర్వాత ఈ సినిమాతో హీరో సిద్ధార్థ్ టాలీవుడ్ లో రీఎంట్రీ ఇచ్చాడు.అనిల్ సుంకర నిర్మించిన ఈ చిత్రానికి చైతన్ భరద్వాజ్ సంగీతం అందించారు. ఎన్నో అంచనాల నడుమ విడుదలైన ఈ సినిమా అంచనాలను అందుకోవడంలో దారుణంగా విఫలమైంది. బాక్సాఫీస్ వద్ద డిజాస్టర్‌గా నిలిచింది. అయితే ఈ సినిమా కథను శర్వానంద్, సిద్ధార్థ్ కంటే ముందుగా 10 మంది హీరోలకు వినిపించగా వారు తిరస్కరించారని తాజాగా ఓ ఇంటర్వ్యూలో అజయ్ భూపతి వెల్లడించాడు.

మరి మహా సముద్రం సినిమాను రిజెక్ట్ చేసిన ఆ 10 మంది హీరోలు ఎవరు? ఏమిటి ఈ విషయాల గురించి మనం తెలుసుకుందాం..మహాసముద్రం సినిమా కథను రిజెక్ట్ చేసిన హీరోల జాబితాలో రవితేజ, రామ్ పోతినేని,నితిన్, నాని, నాగచైతన్య వంటి హీరోలు ఉన్నారు. అయితే ఈ సినిమాను వారు కథ నచ్చక రిజెక్ట్ చేశారా లేకపోతే వారికీ డేట్స్ కుదరక తిరస్కరించారా అన్న విషయం తెలియరాలేదు.

కానీ ఎప్పటి నుంచో హిట్ కోసం ఎదురుచూస్తున్న శర్వానంద్, సిద్ధార్థ్‌లకు మాత్రం ఈ సినిమా వారి ఆశలు నిరాశలు చేసింది.ఈ సినిమాలో జగపతి బాబు, రావు రమేష్ కీలక పాత్రలు పోషించారు. అయితే ఈ సినిమా ట్రైలర్ కు భారీగానే స్పందన వచ్చినప్పటికీ సినిమాకు మాత్రం అనుకున్న విధంగా ప్రేక్షకుల నుంచి స్పందన రాలేకపోయింది. దీంతో ఈ సినిమా బాక్సాఫీస్ వద్ద డిజాస్టర్ గా నిలిచింది.