Actress Sudha: టాలీవుడ్ ఇండస్ట్రీలో తల్లి పాత్రలకు కేరాఫ్ అడ్రస్ గా ఉండే నటి సుధ గురించి ప్రత్యేకంగా చెప్పాల్సిన పనిలేదు. ఈమె తల్లి పాత్రలో నటించడం కాకుండా జీవించిందని చెప్పాలి. ఇలా ఎన్నో సినిమాలలో తల్లి పాత్రలో నటిస్తూ మంచి గుర్తింపు సంపాదించుకున్న సుధ ఓ ఇంటర్వ్యూలో పాల్గొన్నారు. ఈ సందర్భంగా ఆమె తన జీవితంలో జరిగిన ఒక అవమానకర ఘటన గురించి తెలియజేశారు.

ఈ సందర్భంగా ఆమె మాట్లాడుతూ తమిళంలో ఒక సాంగ్ షూటింగ్ జరుగుతున్న సమయంలో తనకు ఎంతో అవమానం జరిగిందని తెలిపారు. ఈ పాటకు ప్రముఖ కొరియోగ్రాఫర్ ప్రభుదేవా తండ్రి సుందరం మాస్టర్ కొరియోగ్రఫీ చేశారని ఈమె వెల్లడించారు.ఆయన కొన్ని వందల సినిమాలకు కొరియోగ్రఫీ చేయడమే కాకుండా దర్శకుడిగా కూడా మంచి పేరు సంపాదించుకున్నారు.

ఇలా ఈ సినిమాలో ఆ పాటకు సుందరం మాస్టర్ కొరియోగ్రఫీ చేశారని అయితే ఆ పాట షూటింగ్ జరుగుతున్న సమయంలో ఒక మూమెంట్ తనకు ఎంత కష్టపడినా రాలేదని తెలిపారు. సుమారు ఆ మూమెంట్ చేయడం కోసం నాలుగైదు టేకులు తీసుకున్నానని అయినా ఆ మూమెంట్ చేయడం తనకు రాలేదని తెలిపారు.

స్వయంగా మాస్టరే క్షమాపణలు చెప్పారు..

ఇలా ఎక్కువసార్లు టేకులు తీసుకోవటం వల్ల సుందరం మాస్టర్ ఛీ…. నువ్వు వ్యభిచారం చేయడానికి కూడా పనికిరావు అంటూ తనని దారుణంగా అవమానించారని ఈ సందర్భంగా బయటపెట్టారు.ఇలా లొకేషన్ లో ఎంతో మంది పెద్దలు ఉన్నప్పటికీ తనని అలా అనడంతో తనకు ఎంతో అవమానంగా అనిపించిందని ఇక అక్కడి నుంచి ఏడుస్తూ ఇంటికి వెళ్లి అమ్మకు జరిగినదంతా చెప్పానని సుధా తెలిపారు.తన మాటలు విన్న తన తల్లి రేపొద్దున తను దర్శకుడు అయిన తర్వాత తన సినిమాల్లో నటించమని నీ దగ్గరకు వస్తారు అప్పుడు దానికి సమాధానం నీ నటనతోనే చెప్పాలని తెలియజేశారు. ఇలా అనుకున్న విధంగానే తను దర్శకుడయ్యారు తన సినిమాలో నటించమని అడగడానికి వస్తే అమ్మ చెప్పిన ప్రకారం నటించాను. సింగిల్ టేక్ లో షాట్ ఓకే కావడంతో స్వయంగా సుందరం మాస్టర్ ఏ తన దగ్గరకు వచ్చి ఆ రోజు అలా మాట్లాడినందుకు నన్ను క్షమించు అంటూ క్షమాపణలు చెప్పారని ఈ సందర్భంగా సుధా తెలియజేశారు.