జబర్దస్త్ కామెడీ షో లో ఎక్కువగా పాపులారిటీ సాధించిన కమెడియన్ ఎవరంటే.. టక్కున గర్తుకు వచ్చే పేరు సుడిగాలి సుధీర్. అతడు ఈ రోజు ఇన్ని షోలు.. చేస్తూ ఈ స్థాయిలో ఉన్నాడంటే కారణం ఆ జబర్దస్త్ కారణంగానే. అంటే మల్లెమాలకు అతడు ఎన్నో సార్లు కృతజ్ఞతలు కూడా చెప్పాడు. ఎనిమిదేళ్లుగా జబర్దస్త్ కార్యక్రమంతో ఆయన అనుబంధం ఎలాంటి అడ్డంకులు లేకుండా కొనసాగుతుంది.
ఈ కామెడీ షోకి ఎంతో మంది వచ్చారు.. వెళ్లిపోయాడు.. కానీ సుడిగాలి సుధీర్ మాత్రం షోని వదిలి వెళ్లలేదు. తనకు లైఫ్ ఇచ్చిన జబర్దస్త్ ను వదిలే ప్రసక్తే లేదు అంటూ ఎన్నోసార్లు చెప్పాడు సుధీర్. కానీ తాజాగా ఓ విషయం వార్తల్లో వస్తుంది. త్వరలో సుధీర్ జబర్దస్త్ నుంచి బయటకు వచ్చేస్తాడు అని ప్రచారం జరుగుతోంది. మల్లెమాల ప్రొడక్షన్స్ ప్రతి ఏడాది జబర్దస్త్ కమెడియన్స్‌తో అగ్రిమెంట్ కుదుర్చుకోవడం ఆనవాయితీగా వస్తుంది.
ఈ అగ్రిమెంట్ బ్రేక్ చేసిన వాళ్లు మల్లెమాల ప్రొడక్షన్‌కు రూ.10 లక్షలు ఫైన్ కూడా కట్టాలి. ఇలా ఈ అగ్రిమెట్ ను బ్రేక్ చేసి బిగ్ బాస్ లోకి వెళ్లిన ముక్కు అవినాష్ రూ.10 లక్షలు కట్టిన విషయం తెలిసిందే. అయితే ఈసారి సుధీర్ ఈ సంవత్సరం కొనసాగాలా.. వద్దా.. అనే సందిగ్ధంలో ఉన్నారట. జబర్దస్త్ లో అతడు కొనసాగేందుకు ఆసక్తి చూపించడం లేదంటూ వార్తలు వస్తున్నాయి.
ఇటు సినిమాలు.. అటు షోలు బ్యాలెన్స్ చేయలేక అతడు ఇబ్బంది పడుతున్నట్లు సమాచారం. అందుకే ఈ ఏడాది తన అగ్రిమెంట్ క్యాన్సల్ చేసుకుంటున్నాడు అని తెలుస్తోంది. కొన్ని రోజులు బ్రేక్ ఇచ్చి మళ్లీ జబర్దస్త్‌లోకి రావాలని ఆయన ఆలోచనగా కనిపిస్తోంది. ప్రస్తుతం ఈ వార్త సోషల్ మీడియాలో వైరల్ అవుతోంది.