Focus Movie: విజయ శంకర్, అషు రెడ్డి ప్రధాన పాత్రలలో జి సూర్య తేజ దర్శకత్వంలో రిలాక్స్ మూవీ మేకర్స్ స్కైరా క్రియేషన్స్ సమర్పణలో ఎంతో ప్రతిష్టాత్మకంగా తెరకెక్కుతున్న చిత్రం ఫోకస్. సస్పెన్స్ థ్రిల్లర్ మూవీగా తెరకెక్కుతున్న ఈ సినిమా షూటింగ్ పనులను పూర్తి చేసుకుంది.
ఇప్పటికే వాలెంటైన్స్ డే సందర్భంగా ఈ సినిమా నుంచి విజయ్ శంకర్ అషు రెడ్డి ఫస్ట్ లుక్ పోస్టర్ ను విడుదల చేయడంతో అదికాస్తా సోషల్ మీడియాలో వైరల్ గా మారింది. మర్డర్ మిస్టరీ బ్యాక్ డ్రాప్ లో తెరకెక్కుతున్న ఈ సినిమాలో సుహాసిని మణిరత్నం కీలక పాత్రలో నటిస్తున్నారు.
ఈ క్రమంలోనే ఈ సినిమాకు సంబంధించిన సుహాసిని మణిరత్నం పోస్టర్ ను ప్రముఖ రచయిత విజయేంద్రప్రసాద్ చేతుల మీదుగా విడుదల చేశారు. ఈ సందర్భంగా విజయేంద్ర ప్రసాద్ మాట్లాడుతూ సూర్య తేజ డెబ్యూ మూవీ ఫోకస్ చిత్రం టీజర్ ఇప్పుడే చూశాను చాలా అద్భుతంగా ఉంది.ఇంకా ఇతర నటీనటుల పాత్ర కూడా ఎంతో అద్భుతంగా ఉంది ప్రతి ఒక్కరూ ఈ సినిమాని చూసి సినిమాకు ఎంకరేజ్ చేయండి అంటూ చిత్ర బృందానికి ఆల్ ది బెస్ట్ తెలియజేశారు.
మార్చిలో విడుదల కానున్న ఫోకస్…
ఈ పోస్టర్ విడుదల సందర్భంగా దర్శకుడు సూర్య తేజ మాట్లాడుతూ…ఈ సినిమాలో కీలక పాత్రలో నటించిన సుహాసిని మణిరత్నం ఫస్ట్ లుక్ పోస్టర్ ను విజయేంద్ర ప్రసాద్ గారి చేతుల మీదుగా విడుదల చేయడం చాలా సంతోషంగా ఉందని ఆయన తెలియజేశారు. సస్పెన్స్ థ్రిల్లర్ బ్యాక్ డ్రాప్ లో తెరకెక్కిన ఈ సినిమా షూటింగ్ పనులను పూర్తి చేసుకుని ప్రస్తుతం పోస్ట్ ప్రొడక్షన్ పనులతో బిజీగా ఉందని, మార్చి నెలలో ఈ సినిమాని విడుదల చేయనున్నట్లు దర్శకుడు తెలియజేశారు. ఇక ఈ సినిమాలో షియాజీ షిండే, భానుచందర్, భరత్ రెడ్డి సూర్య భగవాన్ రెడ్డి తదితరులు నటిస్తున్నారు.