Supritha:ప్రస్తుతం సోషల్ మీడియా ఎంతో అభివృద్ధి చెందడంతో ప్రతి ఒక్కరు సోషల్ మీడియాని ఉపయోగించుకొని పెద్ద ఎత్తున ఎంతో గుర్తింపు సంపాదించుకుంటున్నారు.ముఖ్యంగా సెలబ్రిటీలు సోషల్ మీడియా వేదికగా వారి సినిమాలను పెద్దఎత్తున ప్రమోట్ చేస్తూ సినిమాని ప్రేక్షకుల ముందుకు తీసుకు వెళ్తున్నారు.ఇకపోతే సినిమా ప్రమోషన్ కార్యక్రమాల్లో భాగంగా సోషల్ మీడియాను విపరీతంగా ఉపయోగిస్తున్న సంగతి మనకు తెలిసిందే.

ఈ క్రమంలోనే ప్రముఖ క్యారెక్టర్ ఆర్టిస్ట్ సురేఖ వాణి కూతురు సుప్రీత సోషల్ మీడియాలో యాక్టివ్ గా ఉంటారు. ఇకపోతే ఈమె మంచు లక్ష్మి మహిళా లోకం అనే సినిమా ద్వారా వెండితెర అరంగ్రేటం చేయబోతున్నారు. ఇకపోతే ఈ సినిమాని సుప్రీత తనదైన శైలిలో ప్రమోట్ చేస్తూ సినిమాపై అంచనాలను పెంచారు.

ఈ సినిమా ప్రమోషన్ లో భాగంగా సుప్రీత సరికొత్తగా ఆలోచిస్తూ ఏకంగా బాలయ్య బాబును తన సినిమా ప్రమోషన్ లో ఉపయోగించుకోవడంతో ఈ వీడియో కాస్తా వైరల్ గా మారింది.అయితే ఈ ప్రమోషన్ కోసం బాలయ్యను డైరెక్ట్ గా కాకుండా ఆయనకు సంబంధించిన ఒక వీడియోని తన సినిమా ప్రమోషన్ కోసం ఉపయోగించుకుంది. బాలకృష్ణ రాజకీయపరంగా జనాల మధ్య లో వెళ్ళినప్పుడు ఆయనకు దగ్గరగా ఒక తండ్రి తన కూతురిని ఎత్తుకొని నిలబడ్డారు. ఈ క్రమంలోనే బాలయ్య ఆ చిన్నారిని తట్టి లేపారు.

మహిళా లోకాన్ని తట్టి లేపిన బాలయ్య..

ఈ విధంగా బాలకృష్ణ ఆ చిన్నారిని తట్టి లేపుతున్న వీడియోని తన సినిమా లేచింది మహిళా లోకం సినిమా టైటిల్ పోస్టర్ కు జత చేశారు. బాలయ్య చిన్నారిని లేపగానే ఆ చిన్నారి లేవడం ఆ తర్వాత టైటిల్ పోస్టర్ రావడం దీనికి లేచింది మహిళా లోకం నిద్రలేచింది మహిళా లోకం దద్దరిల్లింది పురుష ప్రపంచం అనే పాటను జతచేశారు.ఈ విధంగా తన సినిమా ప్రమోషన్ కోసం బాలయ్య బాబు వీడియోని సుప్రీత బీభత్సంగా వాడుకొని సినిమాని ప్రమోట్ చేసుకున్నారు.