Surekha Vaani birthday celebrations : ప్రస్తుతం తెలుగు సినిమాల్లో అక్క, వదిన, అక్క, అమ్మ వంటి పాత్రల్లో నటిస్తూ, కామెడీ కూడా చేస్తూ, అప్పుడప్పుడు సీరియస్ రోల్స్ కూడా చేస్తూ అభిమానులలో గుర్తింపు తెచ్చుకుంది సురేఖ వాణి. సురేఖ వాణి మొదట టీవీ యాంకర్ గా తన ప్రస్థానాన్ని మొదలుపెట్టి తర్వాత సినిమాల్లో క్యారెక్టర్ ఆర్టిస్టుగా కొనసాగుతోంది. ప్రస్తుతం ఈమె సినిమాలలో కాస్త తక్కువగా కనిపిస్తున్నా సోషల్ మీడియాలో మాత్రం ఫుల్ యాక్టివ్ గా ఉంటుంది. సోషల్ మీడియాలో సురేఖవాణి తన కూతురు సుప్రీత చేసే హంగామా మామూలుగా ఉండదు. 2019లో సురేఖవాణి తన భర్తను కోల్పోయి బాగా డిప్రెషన్లోకి వెళ్లిన సంగతి తన కూతురి ద్వారా కోలుకున్న సంగతి తెలిసిందే.
ఇక ఇప్పుడు తన కూతురుతో కలిసి పార్టీలు, ట్రిప్పులు, డాన్స్ వీడియోలు అంటూ సురేఖవాణి మోడరన్ మామ్ గా సోషల్ మీడియాలో హంగామా చేస్తూ ఉంటుంది. ఈ మధ్యనే థాయిలాండ్ ట్రిప్ కి వెళ్తున్న ఫ్లైట్ లో మందు గ్లాసులతో, అక్కడ మసాజ్ చేయించుకుంటున్న ఫోటోలను షేర్ చేసి అందరినీ షాక్ కు గురి చేశారు. ఇక ఇప్పుడు సురేఖ వాణి బర్త్ డే సెలబ్రేషన్స్ కు సంబంధించిన వీడియో లు షేర్ చేసి మరోసారి సోషల్ మీడియాలో వైరల్ అవుతున్నారు.
తల్లి కి మందు తాగిస్తున్న కూతురు….
ప్రస్తుతం సురేఖవాణి తన కూతురు బ్యాంకాక్ లో ఎంజాయ్ చేస్తున్నారు. కోవిడ్ టైం లో రెండేళ్లు ఎక్కడికి వెకేషన్ కి వెళ్లని సురేఖవాణి, ప్రస్తుతం కూతురితో బ్యాంకాక్ వెళ్లి తన బర్త్ డే పార్టీ ని సెలబ్రేట్ చేసుకుంది. ఈ పార్టీకి సంబంధించిన వీడియోని సుప్రీత ఇన్స్ స్టా స్టోరీలో షేర్ చేయగా, ప్రస్తుతం దీని గురించి అందరూ చర్చించుకుంటున్నారు. ఈ వీడియోని గమనిస్తే సుప్రీత ఏకంగా వాళ్ళ అమ్మ కు వైన్ తాగిస్తూ.. ఎంజాయ్ చేస్తున్నారు. ప్రస్తుతం ఇది సోషల్ మీడియాలో చర్చనీయాంశం అయింది.