Nikhil: హ్యాపీ డేస్ సినిమా ద్వారా తెలుగు ప్రేక్షకులకు హీరోగా పరిచయమయ్యారు నటుడు నిఖిల్. ఈ సినిమా ద్వారా నటుడిగా ఎంతో మంచి గుర్తింపు సంపాదించుకున్నటువంటి నిఖిల్ అనంతరం సినిమాలలో నటిస్తూ కెరియర్ పరంగా బిజీ అయ్యారు. ఇటీవల నిఖిల్ నటించిన కార్తికేయ2 సినిమా పాన్ ఇండియా స్థాయిలో ఎంతో మంచి సక్సెస్ అందుకున్న సంగతి మనకు తెలిసిందే.
ఇలా నటుడిగా ప్రస్తుతం వరుస సినిమాలలో బిజీగా ఉన్నటువంటి ఈయన త్వరలోనే తండ్రి కాబోతున్నారు. నిఖిల్ 2020 వ సంవత్సరంలో డాక్టర్ పల్లవిని ప్రేమించి పెద్దల సమక్షంలో పెళ్లి చేసుకున్నారు. ఇలా మూడు సంవత్సరాల వైవాహిక జీవితం తర్వాత వీరిద్దరూ తమ మొదటి బిడ్డకు వెల్కమ్ చెప్పబోతున్నారు.
ఈ క్రమంలోనే నిఖిల్ ఇటీవల తన భార్య పల్లవి సీమంతపు వేడుకలకు సంబంధించిన ఫోటోలను సోషల్ మీడియాలో షేర్ చేసిన సంగతి తెలిసిందే. ఇకపోతే తాజాగా పల్లవి అండ్ నిఖిల్ ఫ్రెండ్స్ పుట్టబోయే బిడ్డకు డైపర్లు ఎలా మార్చాలి అనే విషయం గురించి తనకు స్పెషల్ క్లాస్ తీసుకున్నారని తెలుస్తోంది.
డైపర్లు మారుస్తున్న నిఖిల్…
పల్లవి నిఖిల్ స్నేహితులు మరోసారి వీరిద్దరికీ పార్టీ ఇచ్చారు. ఇందులో భాగంగా పుట్టబోయే బిడ్డకు డైపర్లు ఎలా మార్చడం గురించి నిఖిల్ కి స్పెషల్ క్లాస్ తీసుకున్నారు. ఇందులో భాగంగా ఒక జిరాఫీ బొమ్మకు డైపర్లు ఎలా వేయాలో నేర్పించారు ప్రస్తుతం ఇందుకు సంబంధించినటువంటి వీడియో నిఖిల్ సోషల్ మీడియాలో షేర్ చేసిన వీడియో వైరల్ గా మారింది.