Aadhar Pay: క్యాష్ లెస్ డిజిటల్ లావాదేవీలు ఇండియాలో గణనీయంగా పెరిగాయి. డిజిటల్ లావాదేవీల్లో భారత్ ప్రపంచంలోనే మొదటి స్థానంలో ఉంది. భారత దేశంలో డిజిటల్ పేమెంట్లు ఎంతగా మారాయంటే… దేవాలయాల్లో హుండీలకు కూడా క్యూఆర్ కోడ్ లు వచ్చే అంతగా మార్పు చెందాయి.
ప్రస్తుతం దేశంలో గుగూల్ పే, ఫోన్ పే, భీమ్ ద్వారా నగదు రహిత లావాదేవీలు జరుగుతున్నాయి. తాజాగా త్వరతలో ‘ ఆధార్ పే’ కూడా రానుంది. గుగూల్ పే, ఫోన్ పే లాగే ఆధార్ పే చేసుకోవచ్చు. అన్ని ఎంఓఎస్ డిజిటల్ కేంద్రాల వద్ద ఆధార్ పే ద్వారా చెల్లింపులు జరుపుకునే వెసులుబాటు కలిగింది.
బయోమెట్రిక్ మెషిన్ల ద్వారా ఆధార్ నెంబర్ ఆధారిత ఆర్థిక లావాదేవీలు జరుపుకునే వీలు ఉంది. ఈ సౌకర్యాన్ని ఎంఎస్ఓ యుటిలిటీ ప్రైవేట్ లిమిటెడ్ అందుబాటులోకి తేనుంది. బయోమెట్రిక్ యంత్రాల ద్వారా ఆధార్ నంబర్ ఆధారంగా ఆర్థిక లావాదేవీలు జరుగనున్నాయి.
దీని వల్ల నగదు రహిత లావాదేవీలకు మరింత ముందడుగు పడనుంది. ఇప్పటికైతే వెండర్ ‘ ఆధార్ పే’ ద్వారా చెల్లింపులు చేసుకోవచ్చని పేర్కొంది. అయితే ఈ లావాదేవీలకు ఆధార్ నెంబర్ ఖచ్చితంగా బ్యాంకు ఖాతాాకు లింక్ అయి ఉండాలి. ఆధార్ కార్డ్ వెరిఫికేషన్ కోసం యూనిక్ ఫింగర్ ఇంప్రెషన్ వాడుకోనుంది. ఈ ఫింగర్ వెరిఫికేషన్ ద్వారా బ్యాంకు నుంచి నగదు బదిలీ జరుగుతుంది. బ్రాంచ్ లెస్ బ్యాంకింగ్ టై అప్ ల ద్వారా వినియోగదారుడు తమ ఇళ్ల సమీపం నుంచే బ్యాంకింగ్ సేవలను పొందే అవకాశం ఏర్పడింది. దేశంలోని మారుమూల, సుదూర ప్రాంతాలకు కూడా బ్యాంకింగ్ సేవలను విస్తరించడంలో ఇది కీలక ముందుడుగా అభివర్ణించవచ్చు.
ప్రస్తుతం ఆధార్ ప్రాముఖ్యత బాగా పెరిగింది. 12 అంకెల ఈ విశిష్ట గుర్తింపు కార్డును UIDAI సంస్ధ జారీచేస్తుంది. వ్యక్తి సమాచారం తెలుసుకోవటం దీని ద్వారా చాలా ఈజీ. ప్రస్తుతం ఏ పని జరగాలన్నా ఆధార్ కార్డు అనేది ఉండటం తప్పనిసరి అయింది. ఆధార్ వివరాలు నమోదు చేయకపోతే ప్రభుత్వ పథకాలు మొదలు.. అనేక అంశాల్లో ఇబ్బందులు ఎదుర్కోవాల్సి వస్తుంది.
అయితే చాలామంది ఒక ప్రదేశం నుంచి మరో ప్రదేశానికి వెళ్లాల్సి వచ్చినప్పుడు ఆధార్ కార్డులో అడ్రస్ మార్చుకోవాల్సి ఉంటుంది. అలాంటి సందర్భాల్లో ఏదో ఒక ప్రూఫ్ కావాలని ఆధార్ అప్ డేట్ సెంటర్ సిబ్బంది చెబుతుంటారు.
అడ్రస్ ఫ్రూఫ్ లేకపోవటంతో చాలా మంది ఆధార్ అప్ డేట్ చేయించుకోలేక ఇబ్బందులు పడుతుంటారు. అదే కాదు ఏ అప్ డేట్ చేయాలన్నా తగిన ప్రూఫ్స్ అనేవి ఉండాలి. అయితే దానిలో పుట్టిన తేదీ, జెండర్‌ విషయంలో చాలా జాగ్రత్తగా ఉండాలి. ఆధార్ కేంద్రానికి వెళ్లి ఏమైనా అప్ డేట్ చేయకపోతే 1947 నంబర్ కు కాల్ చేసి ఫిర్యాదు చేయాల్సి ఉంటుంది.
అవసరమనుకుంటే వినియోగదారుడు help@uidai.gov.in కు ఒక లేఖ కూడా రాయవచ్చు. అంతేకాకుండా ప్రస్తుతం ఆధార్ కార్డులో S/O లేదా W/O అనే కాలమ్ తీసేశారు. వాటి స్థానంలో C/O కేర్‌ ఆఫ్ అనే కాలమ్ చేర్చారు. దీనిలో ఏవరిపైరైనా అప్ డేట్ చేయవచ్చు. దీని అప్ డేట్ కు ఆన్ లైన్ లో కుదరదు. దాని కోసం సమీప ఆధార్ కేంద్రానికి వెళ్లాల్సి ఉంటుంది. ఏ అప్ డేట్ చేయాలన్నా ఆధార్ కు మొబైల్ నంబర్ ను లింక్ చేయాల్సి ఉంటుంది. ఇలా చేస్తే ఆధార్ కు సంబంధించిన ఏ వివరాలు అయినా తెలుసుకోవచ్చు.
పాఠశాలలు తెరుచుకుంటుండటంతో ఆధార్ సేవా కేంద్రాల వద్ద రద్దీ పెరుగుతోంది. తమ పిల్లల ఆధార్ వివరాలను అప్ డేట్ చేయించడానికి తల్లిదండ్రులు ఆధార్ సెంటర్ల దగ్గర క్యూకడుతున్నారు. ఆంధ్రప్రదేశ్ లో అమ్మఒడి లాంటి పథకాలను పొందాలంటే కేవైసీ అప్ డేట్ తప్పనిసరి. ఇలా చాలా రోజుల తర్వాత స్కూళ్లు తెరుస్తుండటంతో తమ పిల్లల పేరు, వయస్సు, అడ్రస్, ఇతర వివరాలను అప్‌డేట్ చేయించడానికి ఆధార్ సెంటర్లకు వెళ్తున్నారు.
రేషన్ కార్డుదారులు తమ ఆధార్ వివరాలను అప్ డేట్ చేసుకోవడానికి కూడా ఆధార్ సెంటర్లకు వెళ్తున్నారు. అయితే ప్రతీ విషయానికి ఆధార్ సెంటర్ కు వెళ్లాల్సిన అవసరం లేదు. ఇంటివద్ద కూడా కొన్ని సేవలను పొందొచ్చు. ఒకవేళ తప్పనిసరిగా ఆధార్ సేవా కేంద్రానికి వెళ్లాలనుకుంటే స్లాట్ బుక్ చేయాల్సి ఉంటుంది. అధికారిక వెబ్ సైట్ కి వెళ్లి స్లాట్ ను బుక్ చేసుకోవచ్చు.
ఆధార్ సేవా కేంద్రాల్లో ఐదేళ్ల లోపు ఉన్నవారికి బయోమెట్రిక్ అనేది రికార్డు చేయరు. వారు 5 సంవత్సరాల కంటే ఎక్కువ వయస్సు వస్తున్నప్పుడు ఆధార్ సేవా సెంటర్ కి వెళ్లి బయోమెట్రిక్ అప్ డేట్ చేయించవచ్చు. మళ్లీ 15 ఏళ్లు దాటిన తర్వాత ఓసారి బయోమెట్రిక్స్ అప్‌డేట్ చేయాలి. ఈ సేవలు పొందాలంటే తప్పనిసరిగా ఆధార్ సెంటర్‌కు వెళ్లాల్సిందే.
పిల్లలకు మాత్రం ఈ సేవలు అన్నీ ఉచితంగానే లభిస్తాయి. ఒకవేళ ఇప్పటికే బయోమెట్రిక్ అప్ డేట్ అయి ఉంటే.. మొబైల్ నంబర్, అడ్రస్ మార్చేందుకు ఆధార్ సెంటర్ కు వెళ్లాల్సిన అవసరం లేదు. ఆన్‌లైన్‌లోనే సేవలు పొందొచ్చు. దానికి గూగుల్ ప్లే స్టోర్ నుంచి ఎం ఆధార్ యాప్ డౌన్ లోడ్ చేసుకొని అందులో 35 సేవల్ని పొందొచ్చు.
Top Telugu website in the world | Telugu Gossips | Breaking News Headlines, Latest Andhra News, Telangana News, India News, World News – Telugudesk.net
