Aishwarya Rajesh: తెలుగు తమిళ భాషలలో వరుస సినిమాలు చేస్తూ ఎంతో బిజీగా గడుపుతున్న నటి ఐశ్వర్య రాజేష్ గురించి ప్రత్యేకంగా పరిచయం అవసరం లేదు సీనియర్ నటి శ్రీ లక్ష్మీ మేనకోడలిగా హీరో రాజేష్ కుమార్తెగా ఇండస్ట్రీలోకి అడుగుపెట్టిన ఐశ్వర్య రాజేష్ సొంత టాలెంట్ తో ఇండస్ట్రీలో ఎంతో మంచి పేరు ప్రఖ్యాతలు సంపాదించుకున్నారు.

వరుస సినిమాలతో ఎంతో బిజీగా గడిపే ఐశ్వర్య రాజేష్ సోషల్ మీడియాలో కూడా ఎంతో యాక్టివ్ గా ఉంటారు. సోషల్ మీడియా వేదికగా నటి ఐశ్వర్య రాజేష్ చెన్నైలో తాజాగా జరిగిన ఊబర్‌ ఆటో డ్రైవర్‌ ఘటనపై స్పందించారు. ఇషిత సింగ్ అనే మహిళ చెన్నైలోని ఏసీజే ఇండియా కాలేజ్‌లో జర్నలిజం కోర్సు చదువుతోంది. ఈ క్రమంలోనే ఇషిత ఈస్ట్‌ కోస్ట్‌ మద్రాస్‌ నుంచి ఐబిస్‌ ఓఎమ్‌ఆర్‌ హోటల్‌కు రావటానికి తన స్నేహితురాలితో కలిసి ఊబర్‌ ఆటో ఎక్కింది.

హోటల్ రాగానే తన స్నేహితురాలు దిగి ఆటో డ్రైవర్ కు డబ్బులు ఇస్తుండగా అనంతరం ఇషిత దిగుతున్న సమయంలో ఆటోడ్రైవర్ తన పట్ల అసభ్యకరంగా ప్రవర్తించారు.తన ప్రైవేట్ పార్ట్స్ తాకుతూ అసభ్యంగా ప్రవర్తించడంతో ఆగ్రహం వ్యక్తం చేసిన ఇషిత తనపై పోలీసులకు కంప్లైంట్ చేయడంతో ఆటో డ్రైవర్ అక్కడి నుంచి పారిపోయారు.

Aishwarya Rajesh: ఇలాంటి వెధవలను కఠినంగా శిక్షించాలి..

ఇషిత ఇచ్చిన కంప్లైంట్ తీసుకున్న పోలీసులు అరగంటలో సంఘటన స్థలానికి చేరుకొని మరుసటి రోజు ఆటో డ్రైవర్ ను అరెస్టు చేశారు. ఈ ఘటనపై నటి ఐశ్వర్య రాజేష్ సోషల్ మీడియా వేదికగా స్పందిస్తూ ఇలాంటి వెధవలను అస్సలు వదిలిపెట్టకూడదు కఠినంగా శిక్షించాలి అంటూ ఆటో డ్రైవర్ పై ఆగ్రహం వ్యక్తం చేయడమే కాకుండా వెంటనే స్పందించి అతనిని అరెస్టు చేసినందుకు పోలీసులకు ఈమె కృతజ్ఞతలు తెలియజేశారు.