Pallavi Prashanth: బిగ్ బాస్ సీజన్ సెవెన్ విన్నర్ పల్లవి ప్రశాంత్ పోలీసుల కస్టడీలో ఉన్నారు. ఈ సీజన్లో విన్నర్ గా నిలిచినటువంటి ఈయన పోలీసులు వద్దని చెప్పిన భారీ స్థాయిలో ర్యాలీగా వెళ్లడంతో పోలీసులు ఈయనపై కేసు నమోదు చేశారు. అయితే ఈయన అభిమానులు సెలబ్రిటీల కార్లపై అదే విధంగా ఆర్టిసి బస్సులపై రాళ్ల దాడి చేయడంతో సుమారు ఆరు బస్సుల అద్దాలు పగిలిపోయాయి. దీంతో ప్రభుత్వ ఆస్తిని నష్టం చేసినందుకుగాను ఈయనపై జూబ్లీ హిల్స్ పోలీస్ స్టేషన్లో కేసు నమోదు అయింది.

ఇలా పల్లవి ప్రశాంత్ ఆయన సోదరుడు మనోహర్ పై కేసు నమోదు కావడంతో వీరిద్దరూ కూడా పరారీలో ఉన్నారు. అయితే లాయర్ సూచనల మేరకు ఇంటికి రావడంతో ఈ విషయం తెలుసుకున్నటువంటి జూబ్లీహిల్స్ పోలీసులు ఆయన స్వగ్రామానికి వెళ్లి పల్లవి ప్రశాంత్ ఆయన సోదరుడు మనోహర్ ను కూడా కస్టడీలోకి తీసుకున్నారు..

ఇలా ప్రశాంత్ తో పాటు తన సోదరుడుని పోలీసులు అరెస్టు చేసి అనంతరం ఆరు గంటలపాటు వీరిని విచారించి జడ్జి ఇంటిలోనే ఆయన ముందు హాజరు పరిచారు. ప్రభుత్వ ఆస్తులను ధ్వంసం చేసినందుకు A1 ముద్దాయిగా ప్రశాంత్ పేరు నమోదు చేయగా A2 గా తన సోదరుడు మనోహర్ పై కేసు నమోదు చేశారు. అయితే లాయర్ వాదన విన్న తర్వాత జడ్జ్ వీరికి 14 రోజులపాటు రిమాండ్ విధించారు. దీంతో వీరిద్దరిని చంచల్ గూడ జైలుకు తరలించారు.

హద్దులు దాటిన అభిమానం…

14 రోజుల తర్వాత తిరిగి విచారణ జరుపనున్నారు ఇలా పల్లవి ప్రశాంత్ ను ప్రస్తుతం జైలులో వేయడంతో కొందరు ఈ విషయంపై వివిధ రకాలుగా స్పందిస్తున్నారు. అభిమానం ఉండాలి కానీ ఆ అభిమానం ఇలా మనల్ని ఇబ్బందులలో పడేసేలా ఉండకూడదని అభిమానులను అలా ప్రవర్తించేలా రెచ్చగొట్టకూడదు అంటూ ఈయన వ్యవహార శైలిపై కామెంట్స్ చేస్తున్నారు. వీరితోపాటు వీరు ర్యాలీ కోసం వెళ్లినటువంటి కారు డ్రైవర్ల పై కూడా కేసులు నమోదయాయని తెలుస్తోంది.