Savitri: సీనియర్ నటిమని సావిత్రి గురించి పరిచయం అవసరం లేదు. ఒకానొక సమయంలో ఇండస్ట్రీలో ఓ వెలుగు వెలిగిన సావిత్రి చివరి రోజులలో చాలా దుర్భరనీయమైన పరిస్థితులను ఎదుర్కొని మరణించారు.చిత్ర పరిశ్రమలో తన సహజ నటనతో ఎంతోమందిని మెప్పించిన ఈమెకు వరుస అవకాశాలు వచ్చాయి. అయితే ఒకానొక సమయంలో స్టార్ హీరోలు కూడా ఈమె డేట్ ల కోసం ఎదురుచూసే స్థాయికి సావిత్రి ఎదిగింది.

ఇలా చిత్ర పరిశ్రమలో సహజ నటిగా మహానటి అనే బిరుదు సంపాదించుకున్న సావిత్రి వ్యక్తిగత జీవితంలో కూడా అంతే ఉదార స్వభావం కలిగి ఉండేవారు. తన వద్దకు ఎవరైనా ఏదైనా కష్టం వచ్చిందని వస్తే చాలు వెనక ముందు ఆలోచించకుండా వారికి సహాయం చేసేవారు.అయితే ఈమె ఎప్పుడైతే నటుడు జెమినీ గణేషన్ను పెళ్లి చేసుకుందో ఒక్కసారిగా ఆమె జీవితం తలకిందులుగా మారిపోయింది.

ఈమె పై ప్రేమతో కాకుండా ఈమె సంపాదించిన ఆస్తి కోసమే జెమినీ గణేషన్ తనని పెళ్లి చేసుకొని తనని చాలా ఇబ్బందులకు గురి చేశారని అందరికీ తెలిసిన సత్యం.ఇక ఇండస్ట్రీలో సావిత్రి జమున ఇద్దరూ అక్క చెల్లెలుగా ఉండేవారు. వీరిద్దరూ కలిసి పలు సినిమాలలో నటించారు. అయితే తాజాగా జమున ఒక ఇంటర్వ్యూలో పాల్గొని సావిత్రి గురించి పలు ఆసక్తికరమైన విషయాలను తెలియజేశారు.

Savitri: జెమినీ గణేషన్ పెళ్లితో తలకిందులైన సావిత్రి జీవితం….

ఈ సందర్భంగా జమున మాట్లాడుతూ నేను సావిత్రి ఇద్దరు అక్కచెల్లెళ్లుగా ఉండే వాళ్ళం అయితే నా కుమారుడు బారసాల ఫంక్షన్ కోసం సావిత్రిని ఆహ్వానించాను. ఆరోజు ఆమె ఫుల్లుగా తాగి బారసాల కార్యక్రమానికి వచ్చిందని తెలిపారు. ఇలా తాగి నా కుమారుడిని ఎత్తుకొని ముద్దులు పెట్టిందని అనంతరం తనని ఒక గదిలోకి తీసుకెళ్లి తనని హత్తుకొని బోరున ఏడ్చిందని జమున తెలిపారు.నువ్వు చాలా అదృష్టవంతురాలివే చెల్లి మంచి భర్త కుమారుడు నిండు సంసారం కానీ నాకు ఆ అదృష్టం లేదు అంటూ సావిత్రి ఏడ్చిందని జమున అప్పటి విషయాలను ఈ సందర్భంగా గుర్తు చేసుకున్నారు.