ఇల్లు కట్టి చూడు.. పెళ్లి చేసి చూడు అంటూ పెద్దలు అంటుంటారు. ఎందుకంటే అవి జీవితంలో చేసే పెద్ద కార్యాలు లాంటివి. అందుకే పెద్దలు అలా అంటుంటారు. అయితే చాలామందికి సొంత ఇల్లు ఉండాలనే కల ఉంటుంది. ఇప్పుడు ఆ కలను సాకారం చేసుకోవడానికి స్టేట్ బ్యాంక్ ఆఫ్ ఇండియా అదిరిపోయే ఆఫర్లు ఇచ్చింది. గృహ రుణాలపై తమ ఖాతాదారులకు 6.70 శాతం వడ్డీతో హోమ్ లోన్స్ అందించనున్నట్లు వెల్లడించింది.
ఎంత మొత్తం రుణం తీసుకున్నా ఇదే వడ్డీ రేటు వర్తిస్తుందని చెప్పారు. క్రెడిట్ స్కోర్ ఆధారంగానే ఈ రుణాలను మంజూరు చేయనున్నట్లు పేర్కొన్నారు. అంతకముందు రూ. 75 లక్షల రుణాలపై 7.15 శాతంగా వడ్డీని చెల్లించాల్సి ఉండేది. కానీ ఇప్పుడు అంతే మొత్తానికి 6.7 శాతం మాత్రమే వడ్డీని వసూలు చేయనున్నట్లు తెలిపారు. ఇలా 30 ఏళ్ల కాలానికి దాదాపు రూ. 8లక్షల వరకు ఆదా చేసుకోవచ్చని తెలిపింది ఎస్బీఐ. ప్రాసెసింగ్ ఫీజు కూడా పూర్తిగా రద్దు చేశారు.
ఏ ఉద్యోగం చేస్తున్నా.. ఏ వ్యాపారం చేస్తున్నా ఈ రుణాలను అందిస్తామని బ్యాంక్ అధికారులు తెలిపారు. అందరికీ 6.7 శాతం వడ్డీనే వర్తిస్తుందని పేర్కొన్నారు. ఎస్బీఐ ఖాతాదారులకు ఇదొక మంచి శుభవార్త అంటూ చెప్పారు ఎస్బీఐ బ్యాంకు మేనేజింగ్‌ డైరెక్టర్‌(రిటైల్‌, డిజిటల్‌ బ్యాంకింగ్) సి.ఎస్‌.శెట్టి తెలిపారు.
ఇదిలా ఉండగా.. ప్రైవేట్ రంగ బ్యాంక్ కొటక్ మహీంద్రా బ్యాంక్ గత వారం గృహ రుణాల వడ్డీ రేటును తగ్గిస్తున్నట్లు ప్రకటించింది. కోటక్ మహీంద్రా బ్యాంక్ 0.15 శాతం తగ్గించింది. గృహ రుణ వడ్డీ రేటు 6.65 శాతం నుంచి 6.50 శాతానికి తగ్గింది. కస్టమర్లకు సరసమైన గృహ రుణ రేట్లు నవంబర్ 8, 2021 వరకు అందుబాటులో ఉంటాయని తెలిపింది.
హోమ్ లోన్ తీసుకునే వారికి పంజాబ్ నేషనల్ బ్యాంక్ బంపర్ ఆఫర్ ప్రకటించింది. స్వాతంత్ర్య దినోత్సవం సందర్భంగా ఈ ఆఫర్ వెల్లడించింది. గృహ రుణ ఆఫర్ కింద ప్రాసెసింగ్ ఫీజులు, డాక్యుమెంటేషన్ ఛార్జీలను పూర్తిగా మినహాయించినట్లు తెలిపింది. ఈ ఆఫర్ సెప్టెంబర్ 30 వరకు మాత్రమే ఉంటుందని తెలిపింది. ఆ బ్యాంక్ కస్టమర్లకు కేవలం 6.68 శాతం వరకు మాత్రమే వడ్డీని వసూలు చేయనున్నారు.
స్టేట్ బ్యాంక్ ఆఫ్ ఇండియా కూడా హోమ్ లోన్లపై వడ్డీరేటును తగ్గిస్తున్నట్లు ప్రకటించిన సంగతి తెలిసిందే. ఎస్బీఐ కార్ లోన్స్, కార్ ఆన్ రోడ్ ధరలో 90 శాతం వరకు రుణాల కోసం ప్రాసెసింగ్ ఫీజులను మాఫీ చేసింది. యోనో యాప్ ద్వారా దఖాస్తు చేసుకునే వారికి ప్రత్యేకంగా 0.25 శాతం డిస్కౌంట్ పొందుతారు. గోల్డ్ లోన్ తీసుకునే వారికి కూడా ఎస్బీఐ ఈ ఆఫర్లను ప్రకటించింది. ఇదిలా ఉండగా తాజాగా పంజాబ్ నేషనల్ బ్యాంక్ తన కస్టమర్లను అలర్ట్ చేసింది. కొన్ని గంటల పాటు బ్యాంకింగ్ సేవలు నిలిపివేయనున్నట్లుగా ట్వీట్ చేస్తూ.. క్షమాపణలు చెప్పింది.
ఆగస్టు 18 అర్థరాత్రి నుంచి ఆగస్టు 19 ఉదయం వరకు సేవలు నిలిచిపోయాయి. నిర్వహణ కారణంగా ఆన్ లైన్ బ్యాంకింగ్, ఇంటర్నెట్ బ్యాంకింగ్ సర్వీస్, కార్పొరేట్ బ్యాంకింగ్ సర్వీస్, యూపీఐ, ఐఎంపీఎస్ సహా అన్ని రకాల సౌకర్యాలలో అంతరాయం కలగనుందంటూ ట్వీట్ చేసింది. అంతే కాకుండా గోల్డ్ మానిటైజేషన్ కోసం ఈ బ్యాంక్ ఆఫర్ కల్పిస్తున్నట్లు తెలిపింది. 10 గ్రాముల బంగారాన్ని డిపాజిట్ చేసి.. వడ్డీని పొందొచ్చని తెలిపింది. ఈ డిపాజిట్ లు మూడు రకాలుగా ఉంటుంది. అందులో మొదటిది.. స్వల్పకాలిక డిపాజిట్ 1-3 సంవత్సరాలు.
మధ్యకాలిక డిపాజిట్లు 5-7 సంవత్సరాలు.. దీర్ఘకాలిక డిపాజిట్లు 12-15 సంవత్సరాల వరకు ఉంటాయి. స్వల్పకాలిక డిపాజిట్ల కింద, 1 సంవత్సరానికి 0.50 శాతం, 1-2 సంవత్సరాలకు 0.60 శాతం మరియు 2-3 సంవత్సరాలకు 0.75 శాతం వడ్డీ లభిస్తుంది. మధ్యకాలిక డిపాజిట్లపై వడ్డీ రేటు 2.25 శాతం, దీర్ఘకాలిక డిపాజిట్‌లకు 2.50 శాతం వడ్డీ లభించనున్నట్లు తెలిపింది. అయితే ఈ గోల్డ్ మానిటైజేషన్ అనేది మొదట్లో 30 గ్రాములు ఉన్న వారికి మాత్రమే అవకాశం కల్పించగా.. తాజాగా 10 గ్రాముల వారు కూడా డిపాజిట్ చేసే విధంగా అవకాశాన్ని కల్పించారు.
దేశంలో చాలామంది సొంతింటి కలను నెరవేర్చుకోవాలని భావిస్తున్నారు. అయితే పెరుగుతున్న ఖర్చుల వల్ల కొత్త ఇల్లును కొనుగోలు చేయడం అంత తేలిక కాదు. అయితే కేంద్రం మొదటిసారి ఇల్లు కొనుగోలు చేసేవాళ్లకు మాత్రం అదిరిపోయే శుభవార్త చెప్పింది. సెక్షన్ 80ఈఈ కింద ఆదాయపు పన్ను చట్టం కింద కొత్తగా ఇంటిని కొనుగోలు చేసేవాళ్లకు పన్ను మినహాయింపు ప్రయోజనాలను పొందే అవకాశం ఉంటుంది.
ఆదాయపు పన్ను చట్టం ద్వారా సెక్షన్ 24 ప్రకారం 2 లక్షల రూపాయల వరకు పన్ను మినహాయింపు ప్రయోజనాలను పొందే అవకాశం ఉన్న సంగతి తెలిసిందే. అయితే ఈ మినహాయింపుతో పాటు హోమ్ లోన్ పై చెల్లించే వడ్డీపై కూడా పన్ను మినహాయింపును పొందే అవకాశం ఉంటుంది. పూర్తిగా హోమ్ లోన్ చెల్లించే వరకు కూడా ఈ పన్ను మినహాయింపు ప్రయోజనాన్ని పొందవచ్చు. అయితే గరిష్టంగా లక్షన్నర రూపాయల వరకు మాత్రమే పన్ను మినహాయింపు పొందే అవకాశం ఉంటుంది.
ఇంటి విలువ 50 లక్షల రూపాయల లోపు ఉండటంతో పాటు ఇంటి కొరకు తీసుకున్న రుణం 35 లక్షల రూపాయల కంటే తక్కువగా ఉన్నవాళ్లు ఈ ప్రయోజనం పొందవచ్చు. హౌసింగ్ ఫైనాన్స్ కంపెనీ లేదా ఫైనాన్షియల్ ఇన్‌స్టిట్యూషన్ నుంచి ఇంటిని కొనుగోలు చేసిన వాళ్లు మాత్రమే ఈ ప్రయోజనాన్ని పొందవచ్చు. ఎవరైతే జాయింట్ లోన్ ను తీసుకుంటే ఇద్దరూ పన్ను మినహాయింపు ప్రయోజనాలను పొందవచ్చు.
ఈ రెండు ప్రయోజనాలతో పాటు కొత్తగా ఇల్లు కొనుగోలు చేసేవాళ్లు మరో బెనిఫిట్ కూడా పొందే అవకాశం ఉంటుంది. సెక్షన్ 80ఈఈ కింద ఈ స్కీమ్ ద్వారా 50 వేల రూపాయల వరకు ప్రయోజనం పొందే అవకాశం ఉంది. ఇంటి కొనుగోలుదారులు ఈ విధంగా పన్ను మినహాయింపు ప్రయోజనాలను పొందవచ్చు.
కరోనా విజృంభణ నేపథ్యంలో మారిన ప్రజల ఆర్థిక పరిస్థితిని దృష్టిలో ఉంచుకుని ప్రభుత్వ, ప్రైవేట్ రంగ బ్యాంకులు కస్టమర్లకు వరుస శుభవార్తలు చెబుతున్నాయి. రుణాలపై వడ్డీరేట్లను భారీగా తగ్గిస్తూ కస్టమర్లకు ప్రయోజనం చేకూరేలా చేస్తున్నాయి. నాన్ బ్యాంకింగ్ ఫైనాన్స్ కంపెనీ బజాజ్ ఫైనాన్స్ కూడా కస్టమర్లకు శుభవార్త చెప్పింది. బజాజ్ ఫైనాన్స్ అనుబంధ సంస్థ అయిన బజాజ్ హౌసింగ్ ఫైనాన్స్ రుణాలపై భారీగా వడ్డీరేట్లను తగ్గించింది.
సొంతింటి కలను సాకారం చేసుకోవాలనే కస్టమర్లకు ప్రయోజనం చేకూర్చేందుకు 6.9 శాతం నుంచే బజాజ్ హౌసింగ్ ఫైనాన్స్ రుణాలు ప్రారంభం కానున్నాయి. బజాజ్ హౌసింగ్ ఫైనాన్స్ హోం లోన్లపై వడ్డీరేట్లను భారీగా తగ్గించడం గమనార్హం. దేశీయ బ్యాంకింగ్ దిగ్గజం స్టేట్ బ్యాంక్ ఆఫ్ ఇండియా హోమ్ లోన్స్ పై 6.9 శాతం వడ్డీ వసూలు చేస్తుండగా ఎస్బీఐకు పోటీగా ఇంతే వడ్డీకి బజాజ్ ఫైనాన్స్ కస్టమర్లకు ప్రయోజనం చేకూరేలా చేస్తుండటం గమనార్హం.
బజాజ్ హౌసింగ్ ఫైనాన్స్ లో ఒక వ్యక్తి ఇంటి కొనుగోలు కోసం కోటి రూపాయలు లోన్ తీసుకుంటే 6.9 శాతం వడ్డీ ప్రకారం చాలా తక్కువ మొత్తం వడ్డీ చెల్లించాల్సి ఉంటుంది. గతంతో పోలిస్తే బజాజ్ ఫైనాన్స్ లో వడ్డీ రేట్లు తగ్గడం వల్ల హోం లోన్ తీసుకున్న వాళ్లకు లక్షల రూపాయలు ఆదా కానుందని తెలుస్తోంది. కోటి రూపాయల లోన్ కు 30 సంవత్సరాలను లోన్ టెన్యూర్ గా ఎంచుకుంటే లోన్ పూర్తయ్యే సమయానికి కోటీ 30 లక్షలు వడ్డీ చెల్లించాల్సి ఉంటుంది.
అయితే సాధారణంగా బయట వడ్డీలతో పోలిస్తే బ్యాంకుల ద్వారా రుణాలు తీసుకోవడం వల్ల అనేక ప్రయోజనాలను పొందవచ్చు. తక్కువ వడ్డీరేటుకే రుణాలు పొందే అవకాశం ఉండటంతో పాటు లోన్ చెల్లించడానికి ఎక్కువ కాలపరిమితిని ఎంచుకోవచ్చు.
Top Telugu website in the world | Telugu Gossips | Breaking News Headlines, Latest Andhra News, Telangana News, India News, World News – Telugudesk.net
