Samantha: నాగచైతన్య, సమంత ఈ జంటకు ఎలాంటి క్రేజ్ ఉందో ప్రత్యేకంగా చెప్పాల్సిన పనిలేదు.ఏ మాయ చేసావే సినిమాతో ఏర్పడిన ఈ వీరి పరిచయం ప్రేమగా మారి పెద్దల సమక్షంలో ఎంతో ఘనంగా వివాహం చేసుకున్నారు. అయితే వీరి వైవాహిక జీవితం నాలుగు సంవత్సరాల పాటు అన్యోన్యంగా కొనసాగిన అనంతరం విడాకులు తీసుకుని విడిపోయారు.ఈ విధంగా విడాకులతో విడిపోయిన ఈ జంట గురించి ఎన్నో వార్తలు సోషల్ మీడియాలో చక్కర్లు కొట్టాయి.

ఇకపోతే విడాకుల తర్వాత చాలా మంది తప్పు సమంతదే అంటూ దారుణంగా తన గురించి ఎన్నో కామెంట్లు చేశారు. అయితే తన గురించి ఇలాంటి వార్తలు వచ్చినప్పటికీ సమంత విడాకులకు గల కారణం తెలియజేయడం లేదు. ఇకపోతే సమంత తాజాగా కాఫీ విత్ కరణ్ టాక్ షోలో పాల్గొన్నారు.

ఈ టాక్ షోలో భాగంగా ఈమె విడాకుల గురించి చెప్పాల్సిన సమయం వచ్చిందని అందరూ భావించారు.
అనుకున్న విధంగానే నిర్మాత కరణ్ సమంత విడాకుల గురించి ప్రశ్నించగా ఈమె ఆ విషయాన్ని దాటివేసి విడాకుల తర్వాత తన జీవితం చాలా కష్టంగా మారింది అంటూ ఎమోషనల్ అయ్యారు. విడాకుల ప్రక్రియ అంత సులభంగా ఏమీ జరగలేదంటూ సమంత షాకింగ్ కామెంట్స్ చేశారు.

ప్రస్తుతం పరిస్థితులన్నీ చక్కబడ్డాయి..

ఆ సమయంలో చాలా ఇబ్బంది పడ్డాను కానీ ప్రస్తుతం పరిస్థితులన్నీ చక్కబడ్డాయి. నేను బలంగా మారాను అంటూ సమంత విడాకుల గురించి మాట్లాడుతూ ఎమోషనల్ అయ్యారు.ఇకపోతే డబ్బు కోసం మీరు ఎలాంటి పనులు చేయరనే విషయాన్ని ప్రశ్నించగా తాను సినిమాలతో పాటు ఎన్నో పనులను డబ్బు కోసం చేయడం లేదని ఈ సందర్భంగా ఈమె చెప్పుకొచ్చారు. ప్రస్తుతం ఈ టాక్ షోలో సమంత చేసిన ఈ వ్యాఖ్యలు ప్రస్తుతం వైరల్ అవుతున్నాయి.