Maha Shivaratri: నేడు ప్రపంచ వ్యాప్తంగా ఉన్నటువంటి హిందువులు అత్యంత భక్తిశ్రద్ధలతో నియమనిష్టలతో పరమేశ్వరుడికి పెద్ద ఎత్తున పూజలు చేస్తూ శివరాత్రి వేడుకలను ఎంతో ఘనంగా జరుపుకుంటున్నారు.ఇలా శివరాత్రి పండుగ సందర్భంగా ప్రతి ఒక్క శివాలయాలలో శివనామస్మరణతో భక్తులు శివయ్యకు ప్రత్యేక పూజలు చేస్తున్నారు. ఇక శివరాత్రి అంటేనే అందరికీ గుర్తొచ్చేది ఉపవాసం జాగరణ.ఇలా శివరాత్రి రోజు ఉపవాసం ఎప్పుడు ఏ సమయం నుంచి మొదలుపెట్టి ఏ సమయం వరకు ఉండాలి ఈ ఉపవాస సమయంలో ఎలాంటి జాగ్రత్తలు తీసుకోవాలనే విషయం చాలామందికి తెలియదు.

ఈ క్రమంలోని శివరాత్రి రోజు ఉపవాసం ఏ సమయం నుంచి ఏ సమయం వరకు ఉండాలో ఇక్కడ తెలుసుకుందాం… శివరాత్రి నేడు అనగా ఫిబ్రవరి 18వ తేదీ వచ్చింది కనుక ఫిబ్రవరి 18వ తేదీ శనివారం తెల్లవారుజామున నుంచి ఫిబ్రవరి 19 మరుసటి రోజు సూర్యోదయం అయ్యేవరకు ఉపవాసం తప్పనిసరిగా ఉండాలి. ఇలా ఉపవాసంలో ఉండి ఇతరులను దుర్భాషలాడకూడదు. ఇతరులపై ఆగ్రహం వ్యక్తం చేయకూడదు. కేవలం ప్రశాంతమైన మనసుతో శివయ్యను కొలుస్తూ శివుడిని పూజిస్తూ ఆధ్యాత్మిక చింతనలో ఉండాలి.

ఇలా ఉపవాసంతో పాటు శివరాత్రి రోజున శివుడిని నాలుగు దశలలో పూజించాలి. ఇలా ఈ నాలుగు దశలలో పూజించినప్పుడు తప్పనిసరిగా పరమేశ్వరుడి అనుగ్రహం మనకు కలుగుతుందని చెప్పాలి మరి నాలుగు దశలలో అంటే ఏ సమయంలో పరమేశ్వరుడిని పూజించాలి అనే విషయానికి వస్తే..మెుదటి ప్రహర పూజ సమయం ఉదయం 06:40 ప్రారంభించి 9:47 వరకు చెయ్యాలని. ఇక రెండవ ప్రహర పూజా సమయం 9:47 నుంచి 12:53 వరకు చేయాలి.

Maha Shivaratri: శివయ్య ధ్యాసలో ఉండాలి…

ఇక మూడవ ప్రహర పూజ సమయం 12:53 నుంచి 4:00 వరకు ఇక చివరిగా నాల్గవ ప్రహర పూజా సమయం 4:00 నుంచి మరుసటి రోజు ఉదయం 7 గంటల వరకు అత్యంత భక్తి శ్రద్దలతో నిర్వహించాలని పండితులు చెప్పుకొచ్చారు.ఈ పూజలన్నింటిలోనూ శివుడిని కొలుస్తూ శివనామస్మరణలతో శివలింగానికి ప్రత్యేక అభిషేకాలు అలంకరణ చేస్తూ శివయ్యను పూజిస్తూ ఉండాలి. ఇలా చేసినప్పుడే ఆ శివుడి అనుగ్రహం మనపై ఉంటుంది.