Bigg boss Telugu OTT: తెలుగు ఓటీటీ వేదికగా ప్రారంభమైన బిగ్ బాస్ షో ఆసక్తికరంగా సాగుతోంది. కంటెస్టంట్స్ గొడవలు, కామెడీతో దూసుకుపోతున్న ఈ షో ప్రారంభమై ఏడు వారాలైంది. 17 మంది సభ్యులతో స్టార్ట్ అయిన ఈ షోలో ప్రస్తుతం 11 మంది ఉన్నారు. ఇప్పటికే శ్రీరాపాక, చైతు, ముమైత్, తేజస్వీ, సరయు, స్రవంతిలో ఎలిమినేట్ అయ్యారు.
ఈ వారం అనిల్, నటరాజ్, శివ, మిత్రా శర్మ, బిందు మాధవి, అఖిల్, అరియానా, మహేష్ విట్టా, నామినేషన్ లో ఉన్నారు.కాగా ముందు నుంచీ వీరిలో బిందు మాధవి, అఖిల్ భారీ ఓట్లతో ముందంజలో ఉన్నట్టు తెలుస్తోంది. ఇక అరియానా, శివలు కూడా ముందు నుంచే గేమ్ ప్లాన్ ను అమలు చేస్తుండడంతో ఈ ఇద్దరూ కూడా ఎలిమినేట్ అయ్యే అవకాశాలు తక్కువే ఉన్నట్టు సమాచారం.
ఇక ఆ తర్వాత మిత్రా శర్మ ఎప్పుడూ సేఫ్ అయినట్టే ఈ సారి కూడా సేఫ్. ఇక మిగిలింది అనిల్, మహేష్ విట్టా. ఈ ఇద్దరూ గేమ్ పై ఫోకస్ పెట్టి ఆడినా, దానికి తగిన ఫలితం దక్కలేదు. అనిల్ తన పని తాను చేసుకుంటూ ఏమీ పట్టనట్టు ఉండగా, మహేష్ మాత్రం ఇంతకు ముందుతో పోలిస్తే చాలా మెరుగైనట్టు తెలుస్తోంది.షో స్టార్టింగ్ నుంచీ మహేష్, ఇంటి సభ్యులకు గట్టి పోటీ ఇస్తూ తన టాలెంట్ ను నిరూపించుకుంటున్నాడు.
కావాలనే మహేష్ ను ఎలిమినేట్ చేశారా…
తాజా సమాచారం ప్రకారం మహేష్ విట్టాఎలిమినేట్ అయ్యాడనే వార్తలు వినిపిస్తున్నాయి. ఇక అతను ఎలిమినేట్ అయ్యే ఛాన్స్ లేదని, ఎందుకంటే ఓట్ల పరంగా మహేష్ మంచి స్థానంలో ఉన్నాడు కానీ, కావాలనే మహేష్ ను తప్పించాలని చూస్తున్నారని ఆయన అభిమానులు అంటున్నారు. ఇక మరో ముఖ్య విషయం ఏమిటంటే షోలో మరింత ఎంటర్టైన్మెంట్ గా తీర్చిదిద్దేందుకు, ఆసక్తిగా మార్చేందుకు బాబా మాస్టర్ ను వైల్డ్ కార్డ్ ఎంట్రీ ద్వారా హౌజ్ లోకి పంపుతున్నట్లు సమాచారం. ఇప్పటి వరకూ అడపా దడపా నడిచిన ఈ షో, ఇప్పుడు బాబా మాస్టర్ రాకతో మళ్లీ పుంజుకుంటుందా లేదా చూడాలంటే వచ్చే ఎపిసోడ్స్ కోసం ఎదురు చూడాల్సిందే.
