Meghana Lokesh: బుల్లితెరపై పలు సీరియల్స్ ద్వారా ఎంతో మంచి గుర్తింపు సంపాదించుకున్న నటి మేఘన లోకేష్ గురించి అందరికీ తెలిసిందే. శశిరేఖ పరిణయం సీరియల్ ద్వారా తెలుగు ప్రేక్షకులకు పరిచయమైనటువంటి ఈమె కళ్యాణం కమనీయం సీరియల్ లో నటిస్తూ ప్రస్తుతం బుల్లితెర ప్రేక్షకులను సందడి చేస్తున్నారు. ప్రస్తుతం టీవీ సెలబ్రిటీలు అందరూ కూడా ఒకవైపు సీరియల్స్ లో నటిస్తూనే మరోవైపు యూట్యూబ్ ఛానల్స్ నిర్వహిస్తున్న సంగతి తెలిసిందే.
ఈ క్రమంలోనే మేఘన లోకేష్ సైతం తన పేరుపై ఒక యూట్యూబ్ ఛానల్ స్టార్ట్ చేశారు.అయితే ప్రతిరోజు యూట్యూబ్ వీడియోలు చేయడానికి సరైన కంటెంట్ దొరకకపోవడంతో చాలామంది ఫ్రాంక్ వీడియోలు చేస్తూ అందరిని కాస్త ఆందోళనకు గురి చేస్తూ ఉంటారు. ఈ క్రమంలోనే మేఘన లోకేష్ సైతం ఫ్రాంక్ వీడియో ద్వారా అందరిని ఒక్కసారిగా భయాందోళనలకు గురి చేసింది.
షూటింగ్ లేని సమయంలో ఈమె ఇంట్లో కూర్చుని యూట్యూబ్ వీడియోలు చేయడానికి ప్రయత్నం చేశారు ఈ క్రమంలోని ఏం చేయాలని ఆలోచిస్తున్నా తరుణంలో తన స్నేహితురాళ్లకు ఫోన్ చేసి ఏదైనా ఫ్రాంక్ చేయాలని భావించారు. ఈ క్రమంలోనే కొంతమందికి ఫోన్ ట్రై చేయగా కనెక్ట్ కాలేదు మరికొందరు లిఫ్ట్ చేయకపోవడంతో స్వర్ణ అనే నటి తిరిగి ఈమెకు కాల్ బ్యాక్ చేశారు.
నీరసంగా ఉంది చనిపోతానేమో…
ఇలా నటి స్వర్ణ కాల్ చేయడంతో ఇంట్లో ఎవరూ లేరు నాకు చాలా నీరసంగా ఉంది చనిపోతానేమో అంటూ ఈమె మహానటి లెవెల్ లో నటించారు. ఇది విన్నటువంటి స్వర్ణ నిజంగానే అలా జరిగిందేమోనని కంగారుపడి నువ్వు కాల్ కట్ చేయకు నేను ఇప్పుడే బయలుదేరుతున్న అంటూ చెప్పారు. దీంతో ఇది ఫ్రాంక్ అని ఈమె ఫోన్ కట్ చేయక నిజమా కాదా అని స్వర్ణ వీడియో కాల్ చేశారు.చివరికి అది ఫ్రాంక్ అని తెలియడంతో ఆమె ఒక్కసారిగా మండిపడింది. అయితే ఈ వీడియో సోషల్ మీడియాలో వైరల్ కావడంతో కొందరు ఇతరులని ఇలా టెన్షన్ పెట్టడం ఎందుకు అంటూ ఈమెను ట్రోల్ చేయగా మరికొందరు తన ఫ్రాంక్ వీడియో చూసి నవ్వుకుంటున్నారు.
