ఎవరికైనా ఆరోగ్యం మంచిగా ఉంటే.. ఎంత పని అయినా చేస్తారు. ఆరోగ్యమే మహాభాగ్యం అని పెద్దలు అన్నారు. ఆరోగ్యం ఉంటే.. కొన్ని కోట్లు ఆస్తి మన దగ్గర ఉన్నట్లే. ఇటీవల కరోనా కారణంగా ఎంతమంది తమ ప్రాణాలను విడిచారో ప్రత్యేకంగా చెప్పాల్సిన అవసరం లేదు. దాంట్లో ఎంతో మంది ఉన్నతులు కూడా ఉన్నారు.

వాళ్లను ఆ డబ్బులు బతికించలేకపోయాయి. కొంతమంది ఎన్ని డబ్బులు ఖర్చు పెట్టినా ప్రాణాలు మాత్రం తిరిగి రాలేదు. అలా అతలాకుతలం చేసింది మాయదారి కరోనా మహమ్మారి. అందుకే ఆరోగ్యం బాగా చూసుకుంటే.. ఎంతటి దానిని అయినా సాధించవచ్చు అనేది అదొక్కటే ఉదాహరణ. కరోనా కారణంగా కొంతమంది తమ ఆరోగ్యం పట్ల ప్రత్యేక శ్రద్ధ చూపిస్తున్నారనేది వాస్తవమే అయినా.. చిన్న చిన్న తప్పుల కారణంగా.. అనారోగ్యాన్ని తెచ్చిపెడుతున్నాయి.

అవేంటంటే.. రోజూ వారి దిన చర్యలో భాగంగా ఉదయాన్నే అల్పాహారం తీసుకోవడం ప్రతీ ఒక్కరికీ అలవాటు. ఇక్కడే కొంతమంది తప్పు చేస్తున్నారు. తీసుకునే ఆ ఆహారం విషయంలో పొరపాట్లు చేస్తున్నారు. ముఖ్యంగా ఉదయం కాఫీ, టీ తాగేవారు ఖాళీ కడుపుతో తీసుకోవడంతో.. ఎన్నో ఆరోగ్య సమస్యలు వస్తున్నాయి.

వాటివలన చాలా ఇబ్బంది పడాల్సి వస్తుంది. అందుకని వీలైనంత వరకు ఉదయాన్నే కాఫీకి దూరంగా ఉండడం మంచిదని నిపుణులు అంటున్నారు. దీనివల్ల ఎసిడిటీ ఎక్కువగా ఫామ్ అవుతుందని.. ఇది పేగులపై ప్రభావం చూపుతుందని.. నిపుణులు హెచ్చరిస్తున్నారు. ముందు ఏదైనా ఆహారం తీసుకున్న తర్వాతనే కాఫీ, టీలాంటికి ఒక కప్పుతాగాలని చెబుతున్నారు. లేదంటే పరిగడుపున మంచి నీళ్లు తాగి.. కాస్త సమయం తీసుకొని తీసుకుంటే మంచిదని నిపుణులు చెబుతున్నారు.