Amala Paul: అమలాపాల్ తెలుగు ప్రేక్షకులకు పరిచయం అవసరం లేని పేరు. ఈమె కోలీవుడ్ నటి అయినప్పటికీ తెలుగులో కూడా పలువురు స్టార్ హీరోల సరసన నటించి తెలుగు ప్రేక్షకులను సందడి చేశారు. ఇలా ఈమె తెలుగులో మెగా పవర్ స్టార్ రామ్ చరణ్ సరసన నాయక్, అల్లు అర్జున్ సరసన ఇద్దరమ్మాయిలతో సినిమాలలో నటించి సందడి చేశారు.

ఇలా టాలీవుడ్ ఇండస్ట్రీలో కూడా అగ్ర హీరోల సరసన నటించిన మంచి గుర్తింపు సంపాదించుకున్న ఈమె ప్రస్తుతం టాలీవుడ్ ఇండస్ట్రీ పై షాకింగ్ కామెంట్స్ చేశారు.ఇక ఈమె తెలుగు చిత్ర పరిశ్రమలో ఏ హీరోల సరసన అయితే నటించారో ఆ హీరోల కుటుంబాలని టార్గెట్ చేస్తూ చేసిన కామెంట్స్ వైరల్ అవుతున్నాయి.ఈ సందర్భంగా ఈమె మాట్లాడుతూ టాలీవుడ్ చిత్ర పరిశ్రమను కేవలం నాలుగు కుటుంబాలు మాత్రమే ఏలుతున్నాయి అంటూ మాట్లాడారు.

ఇక ఆ కుటుంబాల నుంచి వచ్చిన పిల్లలు మాత్రమే ఇండస్ట్రీలో హీరోలుగా కొనసాగడమే కాకుండా మరి ఆ హీరోలకు ఇద్దరు హీరోయిన్లు కావాల్సి ఉంటుందంటూ ఈమె కామెంట్స్ చేశారు. ఇకపోతే టాలీవుడ్ ఇండస్ట్రీలో గ్లామర్ రోల్స్, పాటలకు మినహా హీరోయిన్ కి ఎలాంటి ప్రాధాన్యత ఉండదంటూ ఈమె వెల్లడించారు.అయితే తమిళ ఇండస్ట్రీలో ఇలా కాదని హీరోయిన్ పాత్రకు కూడా ప్రాధాన్యత ఉంటుందంటూ ఈమె భేదాలు తెలియజేశారు..

Amala Paul: తెలుగు సినిమాలలో హీరోయిన్ పాత్రకు ప్రాధాన్యత ఉండదు…

ఇలా టాలీవుడ్ ఇండస్ట్రీ గురించి షాకింగ్ కామెంట్స్ చేస్తూ కోలీవుడ్ పై ప్రశంసలు కురిపించిన ఈమె తాను కోలీవుడ్ ఇండస్ట్రీలో హీరోయిన్ గా ఉన్నందుకు చాలా అదృష్టవంతురాలిని అంటూ చేసిన ఈ కామెంట్స్ వైరల్ అవుతున్నాయి.ఇక ఈమె చేసిన ఈ కామెంట్స్ వైరల్ కావడంతో పలువురు టాలీవుడ్ ప్రేక్షకులు తమదైన శైలిలో ఈ వ్యాఖ్యలను తిప్పుకొడుతూ కామెంట్లు చేస్తున్నారు.తెలుగు సినిమాలలో నటిస్తూ తెలుగు చిత్ర పరిశ్రమపై ఈ విధమైనటువంటి వ్యాఖ్యలు చేయడం సరికాదని తెలుగు ప్రేక్షకులు మండిపడుతున్నారు.