ఈ మధ్య కాలంలో కంపెనీలు వినియోగదారులకు ప్రయోజనం చేకూరేలా కీలక నిర్ణయాలు తీసుకుంటున్నాయి. సాధారణ రోజులతో పోలిస్తే పండగ రోజుల్లో అదిరిపోయే ఆఫర్లను అందుబాటులోకి తెస్తున్నాయి. తాజాగా నిస్సాన్ కంపెనీ కస్టమర్లకు ప్రయోజనం చేకూరేలా నిర్ణయం తీసుకుంది. తక్కువ ధరకే కొత్త కారును బుకింగ్ చేసుకునే అవకాశాన్ని కల్పిస్తోంది. నిస్సాన్ కంపెనీ తీసుకున్న నిర్ణయం వల్ల పండగ సమయంలో కొత్త కారు కొనుగోలు చేయాలనుకునే వాళ్లకు ప్రయోజనం చేకూరనుంది.

నిస్సాన్ కంపెనీ మరికొన్ని రోజుల్లో మార్కెట్ లోకి రాబోయే కొత్త మ్యాగ్నైట్ కారు ధరలను ప్రకటించడానికి సిద్ధమవుతోంది. మ్యాగ్నైట్ కారుకు సంబంధించిన పూర్తి వివరాలు ఇప్పటికే వెల్లడి కాగా డీలర్లు ఇప్పటికే అనధికారికంగా మ్యాగ్నైట్ కారు బుకింగ్ లను స్వీకరిస్తున్నారని తెలుస్తోంది. కంపెనీ అతిత్వరలో అధికారికంగా కారు బుకింగ్ కు సంబంధించిన పూర్తి వివరాలను వెల్లడించనుంది. ఎవరైనా కారు కొనుగోలు చేయాలని భావిస్తే 11,000 రూపాయల నుంచి 25,000 రూపాయల వరకు చెల్లించి కారును బుకింగ్ చేసుకోవచ్చు.

కారును బుకింగ్ చేసుకోవడం కొరకు సమీపంలోని డీలర్లను సంప్రదించాల్సి ఉంటుంది. నిస్సాన్ మ్యాగ్నేట్ కారు డెలివరీలు వచ్చే నెల నుంచి ప్రారంభం అయ్యే అవకాశాలు ఉన్నాయని సమాచారం. ఈ కారు 1.0 లీటర్ ఇంజిన్ తో మార్కెట్ లోకి వస్తోంది. తెలుస్తున్న సమాచారం ప్రకారం 5.5 లక్షల రూపాయల నుంచి ప్రారంభమయ్యే అవకాశాలు ఉన్నట్టు తెలుస్తోంది.

ఫోర్డ్ ఎకోస్పోర్ట్, మారుతీ సుజుకీ వితారా బ్రెజా, మహీంద్రా ఎక్స్‌యూవీ300, హ్యుందాయ్ వెన్యూ, టాటా నెక్సన్, కియా సొనేట్ లాంటి కార్లకు నిస్సాన్ కార్లు గట్టి పోటీ ఇచ్చే అవకాశం ఉంది. తక్కువ ధరకే బుకింగ్ చేసుకునే అవకాశం ఉండటంతో కస్టమర్లు ఈ కారును కొనుగోలు చేయడానికి ఎక్కువగా ఆసక్తి చూపే అవకాశం ఉంది.