టాలివుడ్ లో ‘సమంత’ పేరు తెలియని వారు ఉండరేమో. అంతగా పాపులారిటీని సంపాదించుకున్నారు. ఏమాయ చేసావే సినిమాతో టాలివుడ్ లో ఎంట్రీ ఇచ్చి.. తన అందంతో యువతకు నిద్ర లేకుండా చేశారు. మొదటి సినిమాతోనే అక్కినేని నాగ చైతన్యను ప్రేమించింది. అంతే కాకుండా పెళ్లి కూడా చేసుకుంది. సోషల్ మీడియా మాధ్యమాలలో కూడా ఆమె చాలా యాక్టివ్ గా ఉంటారు.

ఏ చిన్న సంఘటనకు సంబంధించి అయినా ఆమె సోషల్ మీడియాలో పోస్ట్ చేస్తారు. ఓ వైపు వైవాహిక జీవితాన్ని.. మరోవైపు సినీ జీవితాన్ని రెండూ సమానంగా బ్యాలెన్స్ చేసుకుంటూ ముందుకు పోతున్నారు. ఇంతవరకు అందరికీ తెలిసిందే. పెళ్లి జరిగిన కొన్ని రోజులకు “సమంత అక్కినేనిగా” తన పేరును మార్చుకున్న సమంత.. ఇప్పుడు సడన్ గా తన సోషల్ మీడియా ప్రొఫైల్స్ లో ‘అక్కినేని’ పేరు తీసివేయడం చర్చనీయాంశంగా మారింది.

సమంత ఇన్స్టాగ్రామ్ మరియు ట్విట్టర్ ల ప్రొఫైల్ నేమ్ ఈ రోజు వరకు కూడా ‘సమంత అక్కినేని’ అని ఉండేది. అయితే ఇప్పుడు ఆ పేరు స్థానంలో ‘S’ అనే సింగిల్ లెటర్ మాత్రమే కనిపిస్తోంది. ఇది అందరిలో అనేక సందేహాలను రేకెత్తించేలా చేసింది. సడన్ గా ఇలా సమంత ఎందుకు చేశారనే సందేహం అభిమానులకు కులుగుతోంది.

దీనిపై సోషల్ మీడియాలో పెద్ద ఎత్తున సంభాషణలు జరుగుతున్నాయి. ఆమె ఏదైనా ప్రచారంలో భాగంగా ఇలా చేసి ఉంటారని కొందరు అంటుంటే.. మరి కొంత మంది వివిధ కారణాలను చెబుతున్నారు. మరి సమంత ఇలా మార్చడానికి గల కారణం ఏంటనే విషయాన్ని ఆమె వెల్లడించే వరకు ఈ డిస్కషన్స్ ఆగవేమో. చూద్దాం.. మరి సమంత ఎలా రియాక్ట్ అవుతారో.