Samantha: టాలీవుడ్ స్టార్ హీరోయిన్ సమంత ప్రస్తుతం సినిమాలకు విరామం ప్రకటించిన సంగతి మనకు తెలిసిందే. ఈమె గతంలో మయోసైటిసిస్ బారిన పడ్డారు. ఈ వ్యాధి నుంచి పూర్తిగా కోలుకోకపోయినప్పటికీ తాను కమిట్ అయిన సినిమాల షూటింగ్ పనులు పూర్తి చేయాలన్న ఉద్దేశంతో తిరిగి ఇండస్ట్రీలోకి వచ్చారు. అయితే ఈ సినిమాలు పూర్తి కావడంతో సమంత ఏడాది పాటు సినిమాలకు విరామం ప్రకటించారు.
ఈ విధంగా సినిమాలకు దూరమైనటువంటి ఈమె ఈ వ్యాధి నుంచి పూర్తిగా బయటపడాలని ఎంతో కష్టపడుతున్నారు. త్వరలోనే ఈ వ్యాధి చికిత్స కోసం ఈమె అమెరికా కూడా వెళ్లబోతున్నారు. అయితే ఈలోపు పలు వెకేషన్ కి వెళుతూ ఈమె ప్రకృతిని ఆస్వాదిస్తూ తన మనసును ప్రశాంతంగా ఉంచుకోవడానికి ప్రయత్నాలు చేస్తున్నారు.
ఈ క్రమంలోనే సమంత ప్రస్తుతం పలు వెకేషన్ లకు వెళుతూ ఎంజాయ్ చేయడమే కాకుండా, అందుకు సంబంధించిన ఫోటోలు వీడియోలను ఈమె సోషల్ మీడియా వేదికగా అభిమానులతో పంచుకుంటున్నారు. ఇకపోతే తాజాగా ఈమె ఒక వీడియోని షేర్ చేసారు .ఈ వీడియోలో భాగంగా నాలుగు డిగ్రీల చల్లని నీళ్లలో ఏకంగా ఆరు నిమిషాల పాటు కదలకుండా ఉన్నారు. ప్రస్తుతం ఇందుకు సంబంధించిన వీడియో వైరల్ గా మారింది.
Samantha: చికిత్సలో భాగమే…
ఇక ఈ వీడియోని సమంత సోషల్ మీడియా వేదికగా షేర్ చేస్తూ ఐస్ బాత్స్.. ఫోర్ డిగ్రీస్.. సిక్స్ మినిట్స్’ అంటూ క్యాప్షన్ ఇచ్చింది.ప్రస్తుతం ఈ వీడియో సోషల్ మీడియాలో వైరల్ గా మారింది. అయితే ఇది కూడా తన ట్రీట్మెంట్ లో ఒక భాగమేనని తెలుస్తుంది. ఇలా ఆరోగ్యం కోసం సమంత కఠినమైన సాహసాలు చేస్తూ తన ఆరోగ్యాన్ని కాపాడుకోవడానికి ప్రయత్నాలు చేస్తున్నారు.