సినిమా ఇండస్ట్రీలో అల్లు కుటుంబానికి ఉన్న ప్రత్యేకత గురించి చెప్పాల్సిన పనిలేదు. ఇప్పటికే మూడు తరాలు ఇండస్ట్రీలో ఎంతో విజయవంతంగా దూసుకుపోతున్న క్రమంలో నాల్గవ తరంగా, అల్లు కుటుంబం నుంచి ఒక వారసురాలిగా అల్లు అర్హ ఇండస్ట్రీలోకి అడుగు పెట్టడం ఇదే మొదటిసారి.
గుణశేఖర్ దర్శకత్వంలో తెరకెక్కుతున్న “శాకుంతలం” అనే చిత్రంలో అల్లుఅర్హ చిన్నప్పటి భరతుడి పాత్రలో నటించింది. అయితే గత కొద్ది రోజుల నుంచి షూటింగ్ లో పాల్గొన్న అర్హ తన షూటింగ్ కంప్లీట్ చేసిందని తెలుస్తోంది.ఈ క్రమంలోనే చిత్రబృందం అల్లు అర్హకు ఘనంగా వీడ్కోలు పలికారు.
ఈ వేడుకలో భాగంగా అల్లు అర్హతో కేక్ కట్ చేయించి ఆమెకు చిత్రబృందం వీడ్కోలు పలికారు. ప్రస్తుతం ఈ వేడుకకు సంబంధించిన వీడియో సోషల్ మీడియాలో వైరల్ గా మారింది. ఈ కార్యక్రమంలో అల్లుఅర్హ తండ్రి అల్లు అర్జున్ స్నేహ రెడ్డి పాల్గొన్నారు. ఈ క్రమంలోనే ఈ వీడియోను అల్లుఅర్జున్ ఇన్స్టాగ్రామ్ ద్వారా షేర్ చేస్తూ నిర్మాత నీలిమగుణ గారికి ప్రత్యేక కృతజ్ఞతలు తెలిపారు.
ఇక ఈ సినిమాలో శకుంతల పాత్రలో సమంత నటిస్తున్న సంగతి మనకు తెలిసిందే.పాన్ ఇండియా చిత్రంగా తెరకెక్కుతున్న ఈ సినిమాలో సమంత కొడుకు పాత్రలో అల్లు అర్హ నటించింది. ఇప్పటికే మొదటి షెడ్యూల్ పూర్తి చేసుకున్న ఈ చిత్రం రెండవ షెడ్యూల్ షూటింగ్ శరవేగంగా జరుపుకుంటుంది.త్వరగా షూటింగ్ పనులను పూర్తి చేసుకొని వచ్చే ఏడాదిలో ఈ చిత్రాన్ని విడుదల చేయాలని చిత్రబృందం భావిస్తోంది.
