Shriya Saran: సోషల్ మీడియా అందుబాటులోకి వచ్చిన తర్వాత సినిమా సెలబ్రిటీలు అందరూ వారికి సంబంధించిన ప్రతి చిన్న విషయాన్ని అభిమానులతో పంచుకుంటున్నారు.ఈ క్రమంలోనే సెలబ్రెటీలు తమ వ్యక్తిగత విషయాలను తెలియజేస్తూ రోజురోజుకు ఎంతోమంది అభిమానులను సొంతం చేసుకుంటున్నారు.

ఇక తెలుగు సినిమా ఇండస్ట్రీలో నటిగా ఎంతో పేరు ప్రఖ్యాతలు పొందిన శ్రియ గురించి పరిచయం అవసరం లేదు.తెలుగులో ఒకానొక సమయంలో అగ్ర హీరోలు అందరి సరసన అద్భుతమైన సినిమాలలో నటించిన ఈమె తాజాగా సెకండ్ ఇన్నింగ్స్ ప్రారంభించి వరుస సినిమాలతో బిజీగా ఉన్నారు.శ్రీయ తాజాగా దృశ్యం 2 సినిమా ద్వారా ప్రేక్షకుల ముందుకు వచ్చారు. ఈ సినిమా మంచి సక్సెస్ అందుకుంది.

ఈ సినిమా ప్రమోషన్ కార్యక్రమాలలో భాగంగా శ్రీయ తన ప్రెగ్నెన్సీ గురించి ఆసక్తికరమైన విషయాలను తెలియజేశారు.శ్రియ రహస్యంగా పెళ్లి చేసుకోవడమే కాకుండా తన పెళ్లి విషయాన్ని రహస్యంగా ఉంచి తరువాత అందరికీ తెలియజేశారు. ఇక ప్రెగ్నెన్సీ విషయాన్ని కూడా అంతే రహస్యంగా ఉంచారు.ఏకంగా పాప పుట్టిన తర్వాత కొన్ని నెలలకు ఈమె తన కూతురిని పరిచయం చేశారు.

Shriya Saran: ఒత్తిడి లేకుండా ఉండాలని దాచాను…

ఈ క్రమంలోనే తన ప్రెగ్నెన్సీ గురించి ఎందుకు దాచాల్సి వచ్చిందనే విషయాన్ని తెలియజేస్తూ… ప్రెగ్నెన్సీ సమయంలో ఆ అందమైన క్షణాలను ఎలాంటి ఒత్తిడి లేకుండా గడపాలని అనుకున్నాను. అయితే ప్రెగ్నెన్సీ తర్వాత అధిక శరీర బరువు పెరుగుతారు.ప్రెగ్నెన్సీ కి సంబంధించిన విషయాన్ని బయటకు చెప్పి ఫోటోలు షేర్ చేయడంతో చాలామంది బాడీ షేప్స్ గురించి మాట్లాడుతూ…. నాపై, నా బిడ్డ పై ఫోకస్ పెడతారు. అలాంటి ఒత్తిడి నాకు ఉండకూడదని నేను ఈ విషయాన్ని దాచానని ఈ సందర్భంగా ఈమె తన ప్రెగ్నెన్సీ గురించి తెలియజేశారు.