Jr.NTR:జూనియర్ ఎన్టీఆర్ ఇండస్ట్రీలోకి వచ్చిన మొదట్లో ఎంతో స్లిమ్ గా అందంగా ఉన్నప్పటికీ అనంతరం ఈయన తన శరీర బరువు పెరగడంతో బొద్దుగా తయారయ్యారు. ఈ క్రమంలోనే సింహాద్రి, రాఖీ, నా అల్లుడు వంటి సినిమాలలో ఎన్టీఆర్ చాలా శరీర బరువు పెరిగిపోయారు.అయితే యమదొంగ కంత్రీ వంటి సినిమాలలో పూర్తిగా స్లిమ్ అయిన ఎన్టీఆర్ బృందావనం అరవింద సమేత వంటి సినిమాలలో ఎంతో అందంగా కనిపించారు.
ఈ విధంగా ఎన్టీఆర్ అరవింద సమేత సినిమా వరకు తన స్లిమ్ మెయింటైన్ చేసినప్పటికీ రాజమౌళి దర్శకత్వంలో వచ్చిన RRR సినిమాలో ఎన్టీఆర్ తన పాత్ర కోసం కాస్త బొద్దుగా తయారయ్యారు.ఇలా ఈ సినిమా కోసం లావైనా ఎన్టీఆర్ తదుపరి కొరటాల శివ సినిమా కోసం పూర్తిగా సన్నబడతారని ఈయన లుక్ కోసమే ఈ సినిమా వాయిదా పడుతూ వస్తోందంటూ వార్తలు వినిపించాయి.
అయితే ఈ సినిమాకు సంబంధించి అఫీషియల్ అనౌన్స్మెంట్ ఇచ్చినదే మొదలు అప్పటినుంచి ఈ సినిమాకు సంబంధించి ఎలాంటి అప్డేట్ రాలేదు. మరోవైపు కొరటాల ఎన్టీఆర్ ను సన్నబడాలని కండిషన్ పెట్టడంతో ఎన్టీఆర్ తన లుక్ మార్చుకోవడం కోసం కష్టపడుతున్నారని అందరూ భావించారు.అయితే తాజాగా ఎన్టీఆర్ కి సంబంధించిన ఓ ఫోటో ప్రస్తుతం సోషల్ మీడియాలో వైరల్ అవుతుంది. ఈ ఫోటోని చూసిన అభిమానులు ఒక్కసారిగా ఆందోళన వ్యక్తం చేశారు.
Jr.NTR:ఎన్టీఆర్ లుక్ చూసి ఆందోళనలో అభిమానులు…
ఎన్టీఆర్ అధికంగా శరీర బరువు పెరిగిపోవడమే కాకుండా గుబురు జుట్టుతో అచ్చం 10 సంవత్సరాల క్రితం ఎన్టీఆర్ ను తలపిస్తోంది. ఈ ఫోటో చూసిన అభిమానులు ఒక్కసారిగా షాక్ అయ్యారు. ఎన్టీఆర్ ఏంటి ఇలా తయారయ్యారు కొరటాల శివ సినిమాలో ఇలాగే కనిపించనున్నారా అంటూ ఆందోళన వ్యక్తం చేస్తున్నారు.ఈ క్రమంలోనే కొందరు ఈ ఫోటోపై స్పందిస్తూ ఇది ప్రస్తుతం ఫోటో అయి ఉండదు అంటూ కామెంట్లు చేస్తున్నప్పటికీ మరికొందరు మాత్రం ఎన్టీఆర్ లుక్ గురించి ఆందోళన వ్యక్తం చేస్తున్నారు.అయితే ఈయన ప్రజెంట్ లుక్ ఎలా ఉందో తెలియాలంటే బింబిసార సినిమా ఫ్రీ రిలీజ్ ఈవెంట్ వరకు మనం వేచి చూడాలి.
