Teja Sajja:  టాలీవుడ్ ఇండస్ట్రీలో చైల్డ్ ఆర్టిస్ట్ గా పలు సినిమాలలో నటించి అనంతరం హీరోగా ఎంట్రీ ఇచ్చినటువంటి వారిలో నటుడు తేజ సజ్జ ఒకరు. ఈయన బాల నటుడిగా పలు సినిమాలలో నటించారు. ఇకపోతే ఇటీవల ప్రశాంత్ వర్మ దర్శకత్వంలో తెరకెక్కిన హనుమాన్ సినిమా ద్వారా ప్రేక్షకుల ముందుకు వచ్చిన సంగతి తెలిసిందే.

ఈ సినిమా ద్వారా పాన్ ఇండియా స్థాయిలో తేజ ఎంతో మంది అభిమానులను సొంతం చేసుకున్నాడు. జనవరి 12వ తేదీ విడుదలైనటువంటి ఈ సినిమా దాదాపు 300 కోట్ల కలెక్షన్లను రాబట్టి సంచలనాలను సృష్టించింది. ఇలా స్టార్ హీరోల సినిమాలను సైతం వెనక్కి నెట్టి ఈ సినిమా కలెక్షన్స్ రాబట్టడంతో హీరోకి వరుస సినిమా అవకాశాలు వస్తున్నాయి.

తేజ సజ్జ ప్రస్తుతం తెలుగు మాత్రమే కాకుండా ఇతర భాష చిత్రాలలో కూడా నటించే అవకాశాలను అందుకున్నారని తెలుస్తుంది. ఇప్పటికే ఎంతో మంది నిర్మాతలు తనని కలిసి అడ్వాన్సులు కూడా ఇచ్చారని సమాచారం. ఇక ఒక సినిమా హిట్ అయింది అంటే తప్పకుండా సెలబ్రిటీలు రెమ్యూనరేషన్ పెంచుతూ ఉంటారు అలాంటిది ఈ సినిమా బ్లాక్ బస్టర్ హిట్ కావడంతో తేజ కూడా తన రెమ్యూనరేషన్ భారీగా పెంచారని తెలుస్తుంది.

నాలుగు కోట్లు పెంచిన తేజ..
హనుమన్ సినిమా కోసం కేవలం కోటి రూపాయల రెమ్యూనరేషన్ తీసుకున్నటువంటి ఈయన ఇప్పుడు ఒక్కో సినిమాకు ఏకంగా ఐదు కోట్ల రూపాయలు డిమాండ్ చేస్తున్నారని తెలుస్తోంది. ఇలా ఒక హిట్ సినిమాతో ఈయన ఏకంగా నాలుగు కోట్ల రూపాయల రెమ్యూనరేషన్ పెంచారు ఇలా రెమ్యునరేషన్ పెంచినప్పటికి నిర్మాతలు వెనకడుగు వేయకుండా ఆయన అడిగినది మొత్తం చెల్లిస్తున్నారని తెలుస్తోంది.