మిల్క్ బ్యూటీ గా పేరు సంపాదించుకున్న నటి తమన్నా ప్రస్తుతం ఎంతో బిజీగా ఉన్నారు. ఒకవైపు వెండితెరపై సందడి చేస్తూనే మరోవైపు వెబ్ సిరీస్ లలో కూడా ప్రేక్షకులను సందడి చేయడానికి సిద్ధమయ్యారు. ఇదిలా ఉండగా ప్రస్తుతం ఈ బ్యూటీ చూపు బుల్లితెర పై కూడా పడింది. తాజాగా వివిధ భాషలలో ప్రసారం కానున్న మాస్టర్ చెఫ్ కార్యక్రమం కోసం తెలుగులో తమన్నాను హోస్ట్ గా ఎంపిక చేసుకున్న సంగతి మనకు తెలిసిందే. తాజాగా ఈ కార్యక్రమానికి సంబంధించిన ప్రోమో ను విడుదల చేశారు.
ఈ ప్రోమోలో భాగంగా మిల్క్ బ్యూటీ తమన్నా తమిళ స్టార్ హీరో విజయ్ సేతుపతి బైక్ పై తమన్నాను దించినట్టు తెలుస్తోంది. అదేవిధంగా విజయ్ సేతుపతి ఈ కార్యక్రమం సందర్భంగా తన చిన్ననాటి జ్ఞాపకాలను గుర్తు చేసుకుని తను పడిన ఆకలి బాధలను తెలిపారు.అయితే తెలుగులో ఈ కార్యక్రమానికి హోస్ట్ గా వ్యవహరిస్తున్న తమన్నా ఈ కార్యక్రమానికి న్యాయం చేస్తుందా అనే సందేహాలు వ్యక్తమయ్యాయి.
తాజాగా ఈ కార్యక్రమానికి సంబంధించిన ప్రోమో విడుదల చేయడంతో అలాంటి సందేహాలకు పులిస్టాప్ పెట్టినట్లు అయింది. ఇకపోతే మాస్టర్ చెఫ్ ఈ కార్యక్రమాన్ని తమిళంలో కూడా నిర్వహించనున్నారు. అయితే తమిళంలో హీరో విజయ్ సేతుపతి ఈ కార్యక్రమానికి హోస్ట్ గా వ్యవహరిస్తున్నారు. తెలుగులో మాస్టర్ చెఫ్ కార్యక్రమం జెమినీ టీవీలో ప్రసారం కానుంది. ఈ కార్యక్రమానికి హోస్ట్ గా వ్యవహరించిన అందుకు గాను తమన్నా భారీ రెమ్యూనరేషన్ డిమాండ్ చేసినట్లు ఇండస్ట్రీ సమాచారం.
ప్రస్తుతం ఈ కార్యక్రమానికి సంబంధించిన ప్రోమో సోషల్ మీడియాలో వైరల్ గా మారింది.ఇక సినిమాల విషయానికొస్తే తమన్నా ఎంతో బిజీగా ఉన్నారు. అనిల్ రావిపూడి దర్శకత్వంలో ఎఫ్ 3, గోపీచంద్ సిటీ మార్, నితిన్ మాస్ట్రో వంటి సినిమాలు విడుదలకు సిద్ధంగా ఉన్నాయి.